తమన్నా నో చెప్పిన పాత్రలో శ్రుతిహాసన్!

ప్రస్తుతం శ్రుతిహాసన్ .. ప్రభాస్ సరసన నాయికగా 'సలార్' సినిమా చేస్తోంది. ఈ సినిమా షూటింగు చాలా వేగంగా జరుగుతోంది. ఈ సినిమా చేస్తూనే ఆమె బాలకృష్ణ హీరోగా గోపీచంద్ మలినేని చేస్తున్న సినిమాకి గ్రీన్ సిగ్నల్ ఇచ్చింది. గోపీచంద్ మలినేని దర్శకత్వంలో ఆమె చేస్తున్న మూడో సినిమా ఇది.

ముందుగా ఈ సినిమాలో కథానాయిక పాత్ర కోసం తమన్నాను అనుకున్నారట. అయితే కొన్ని కారణాల వలన ఆమె ఈ సినిమా చేయలేనని చెప్పిందట. దాంతో శ్రుతిహాసన్ తో ఉన్న పరిచయం కారణంగా, గోపీచంద్ ఆమెను ఒప్పించాడని అంటున్నారు. అలా బాలయ్య సినిమాలో ఆమె ఎంట్రీ ఖరారైపోయింది.

ఇక మరో విశేషం ఏమిటంటే .. చిరంజీవి 'భోళా శంకర్' సినిమా కోసం ముందుగా శ్రుతిని అడిగితే, వాళ్లు అడిగిన డేట్లు ఖాళీ లేని కారణంగా ఆమె చేయలేనని చెప్పిందట. ఆమె నో చెప్పిన తరువాతనే తమన్నాను ఎంపిక చేశారట. అలా ఒకరు నో చెప్పిన సినిమాకి మరొకరు ఎస్ చెప్పారన్న మాట.