Keerti Suresh: సినిమా కబుర్లు.. సంక్షిప్త సమాచారం

*  నగేశ్ కుకునూర్ దర్శకత్వంలో కీర్తి సురేశ్ కథానాయికగా రూపొందిన 'గుడ్ లక్ సఖి' చిత్రాన్ని నవంబర్ నెలలో రిలీజ్ చేస్తున్నారు. ఈ విషయాన్ని నిర్మాతలు తాజాగా ప్రకటించారు. స్పోర్ట్స్ డ్రామాగా రూపొందిన ఈ చిత్రంలో కీర్తి షూటర్ గా నటించింది.
*  ప్రస్తుతం 'భీమ్లా నాయక్', 'హరిహర వీరమల్లు' సినిమాలలో నటిస్తున్న పవన్ కల్యాణ్ వీటి తర్వాత హరీశ్ శంకర్ దర్శకత్వంలో 'భవదీయుడు.. భగత్ సింగ్' చిత్రాన్ని చేయనున్నారు. ఆ తర్వాత శేఖర్ కమ్ముల దర్శకత్వంలో ఒక చిత్రాన్ని చేయడానికి ప్లాన్ చేస్తున్నట్టు తెలుస్తోంది. ఇది రాజకీయ నేపథ్యంలో రూపొందుతుందని సమాచారం.
*  ఎనర్జిటిక్ హీరో రామ్, లింగుస్వామి కలయికలో రూపొందుతున్న తెలుగు, తమిళ ద్విభాషా చిత్రం రెండో షెడ్యూలు షూటింగ్ ముగిసింది. కొంత విరామం తర్వాత చివరి షెడ్యూలును ప్రారంభిస్తారు. ఇందులో కృతిశెట్టి, అక్షర గౌడ హీరోయిన్లుగా నటిస్తున్నారు.