Nadendla Manohar: గతుకుల రోడ్డుపై బస్సు వెనుక చక్రాలు ఊడిన వైనం... ఫొటోలు పంచుకున్న నాదెండ్ల

ఏపీలో గతుకుల రోడ్ల పరిస్థితి వర్షాకాలంలో మరింతగా క్షీణిస్తోందని జనసేన నేతలు కొన్నిరోజులుగా ఆందోళన వ్యక్తం చేస్తున్నారు. రోడ్ల పరిస్థితిపై జనసేనాని పవన్ కల్యాణ్ సైతం తీవ్రస్థాయిలో స్పందిస్తున్నారు. ఈ క్రమంలో జనసేన పార్టీ రాజకీయ వ్యవహారాల కమిటీ చైర్మన్ నాదెండ్ల మనోహర్ ఆసక్తికరమైన ఫొటోలు పంచుకున్నారు. ఓ ఆర్టీసీ బస్సు వెనుక చక్రాలు ఊడిన స్థితిలో రోడ్డుపై నిలిచిపోయి ఉండడం ఆ ఫొటోల్లో చూడొచ్చు.

దెబ్బతిన్న రోడ్ల దుష్ఫలితం అంటూ నాదెండ్ల బస్సు పరిస్థితిపై స్పందించారు. తూర్పు గోదావరి జిల్లాలో గోకవరం నుంచి గుర్తేడు పాతకోట వెళ్లే బస్సు వెనుక చక్రాలు ఊడిపోయాయని వెల్లడించారు. ఆ రోడ్డు ఎలా ఉందో చూడండి అంటూ ఫొటోలు ట్వీట్ చేశారు.