Vijay Sethupathi: వెంకీ చేతుల మీదుగా 'అనబెల్ సేతుపతి' ట్రైలర్ రిలీజ్!

  • విజయ్ సేతుపతి నుంచి హారర్ కామెడీ 
  • రాజమహల్ చుట్టూ తిరిగే కథ 
  • డిస్నీ హాట్ స్టార్ కి స్ట్రీమింగ్ హక్కులు 
  • 17 వ తేదీ నుంచి 5 భాషల్లో స్ట్రీమింగ్  
Annabelle Sethupathi trailer released

విజయ్ సేతుపతి - తాప్సీ నాయకా నాయికలుగా 'అనబెల్ సేతుపతి' సినిమా రూపొందింది. సుధన్ - జయరామ్ సంయుక్తంగా నిర్మించిన ఈ సినిమాకి, దీపక్ సుందర రాజన్ దర్శకత్వం వహించాడు. హారర్ కామెడీగా రూపొందిన ఈ సినిమా నుంచి కొంతసేపటి క్రితం ట్రైలర్ ను వదిలారు.

వెంకటేశ్ చేతుల మీదుగా రిలీజ్ చేయించిన ఈ ట్రైలర్ అసలు కథ ఏమిటనేది చెప్పేస్తోంది. 1948లో వీరసేతుపతి తనకి కాబోయే భార్య పట్ల గల ప్రేమతో ఒక అద్భుతమైన రాజమహల్ ను నిర్మిస్తాడు. ఆ రాజమహల్ ను సొంతం చేసుకోవడానికి ఒక వ్యక్తి ప్రయత్నిస్తూ ఉంటాడు. మరో వైపున ఆ ఇంట్లో కొన్ని ప్రేతాత్మలు తిరుగుతూ ఉంటాయి.

ట్రైలర్ చూస్తుంటే హారర్ కంటే కామెడీకే ఎక్కువ ప్రాధాన్యతనిచ్చినట్టు కనిపిస్తోంది. అలాగే ఈ సినిమా కోసం భారీస్థాయిలో ఖర్చు చేసినట్టుగా అనిపిస్తోంది. జగపతిబాబు .. రాజేంద్రప్రసాద్ .. రాధిక .. వెన్నెల కిషోర్ .. యోగిబాబు .. దేవదర్శిని ముఖ్యమైన పాత్రలను పోషించిన ఈ సినిమా, వచ్చేనెల 17వ తేదీ నుంచి తెలుగు .. తమిళ .. మలయాళ .. కన్నడ .. హిందీ భాషల్లో  డిస్నీ హాట్ స్టార్ లో స్ట్రీమింగ్ కానుంది.

More Telugu News