Rashmika Mandanna: సినిమా కబుర్లు.. సంక్షిప్త సమాచారం

*  ఇటీవల 'సుల్తాన్' సినిమాతో కోలీవుడ్ ఎంట్రీ ఇచ్చిన కథానాయిక రష్మిక త్వరలో స్టార్ హీరో విజయ్ సరసన ఓ తమిళ సినిమాలో నటించే అవకాశం వుంది. విజయ్ హీరోగా నెల్సన్ దర్శకత్వంలో రూపొందుతున్న 'బీస్ట్' సినిమాలో ఇద్దరు హీరోయిన్లు వుంటారు. ఇప్పటికే ఒక హీరోయిన్ గా పూజ హెగ్డేని తీసుకున్నారు. మరో కథానాయిక పాత్ర కోసం రష్మికతో ప్రస్తుతం సంప్రదింపులు జరుగుతున్నాయట.
*  తమిళ సూపర్ స్టార్ రజనీకాంత్ హీరోగా శివ దర్శకత్వంలో రూపొందుతున్న 'అన్నాత్తే' చిత్రం విడుదల తేదీని నిర్మాతలు ప్రకటించారు. దీపావళి సందర్భంగా నవంబర్ 4న ఈ చిత్రాన్ని తమిళ, తెలుగు భాషల్లో విడుదల చేయనున్నట్టు వెల్లడించారు. ఇందులో హీరోయిన్లు నయనతార, కీర్తి సురేశ్ కీలక పాత్రలు పోషిస్తున్నారు.  
*  నేచురల్ స్టార్ నాని హీరోగా రాహుల్ సాంకృత్యన్ దర్శకత్వంలో రూపొందుతున్న 'శ్యామ్ సింగ రాయ్' చిత్రం చివరి షెడ్యూలు షూటింగు నిన్నటి నుంచి హైదరాబాదులో జరుగుతోంది. ఇందులో సాయిపల్లవి, కృతిశెట్టి, మడోనా సెబాస్టియన్ కథానాయికలుగా నటిస్తున్నారు.