Sarkaru Vaari Paata: 'సర్కారు వారి పాట' మొదలైంది!

టాలీవుడ్ ప్రిన్స్ మహేశ్ బాబు అభిమానులకు శుభవార్త వచ్చింది. మహేశ్ నూతన చిత్రం 'సర్కారు వారి పాట' షూటింగ్ మొదలైపోయిందని సామాజిక మాధ్యమాల ద్వారా చిత్ర నిర్మాణ సంస్థ మైత్రీ మూవీ మేకర్స్ ఈ ఉదయం వెల్లడించింది.

'ది ఆక్షన్ అండ్ ది యాక్షన్ బిగిన్స్' (వేలం మరియు షూటింగ్ ప్రారంభమైంది) అన్న క్యాప్షన్ తో ఓ చిన్న వీడియోను మైత్రీ మూవీ మేకర్స్ యూనిట్ తన ట్విట్టర్ ఖాతాలో షేర్ చేసింది. పరశురామ్ దర్శకత్వంలో ఈ చిత్రం తెరకెక్కుతుండగా, 14 రీల్స్ ప్లస్, మహేశ్ బాబు సొంతంగా నిర్మిస్తున్నారు. కీర్తి సురేశ్ హీరోయిన్ గా నటిస్తున్న చిత్రానికి తమన్ స్వరాలను సమకూర్చనున్నాడు.