మెగా బ్రదర్స్ సినిమాల్లో చాన్స్ లు కొట్టేస్తున్న బిగ్ బాస్ భామ

బిగ్ బాస్ నాలుగో సీజన్ లో కొన్ని వారాలే హౌస్ లో ఉన్నా అందరినీ అలరించిన బ్యూటీ దివి. ఈ సొట్టబుగ్గల సుందరి ఇప్పుడు రెండు చేతులా సినిమా అవకాశాలు అందిపుచ్చుకుంటోంది. మెగాస్టార్ చిరంజీవి సైతం తన కొత్త చిత్రంలో దివికి ఓ పవర్ ఫుల్ పోలీస్ ఆఫీసర్ పాత్రను ఇవ్వగా.... లేటెస్ట్ గా పవన్ కల్యాణ్-రానా కాంబోలో వస్తున్న అయ్యప్పనుమ్ కోశియుమ్ రీమేక్ లో చాన్స్ కొట్టేసినట్టు తెలుస్తోంది.

బిగ్ బాస్-4కి ముందు దివి ఎవరో చాలామందికి తెలియదు. కానీ, ఈ బిగ్గెస్ట్ రియాలిటీ షో ఆమె జీవితాన్ని మలుపు తిప్పిందంటే అతిశయోక్తి కాదు. అవకాశాలు ఆమెను వెతుక్కుంటూ వస్తున్నాయి. ఒకప్పుడు గుంపులో గోవింద వంటి వేషాలతో సరిపెట్టుకున్న దివి ఇప్పుడు ప్రాధాన్యత ఉన్న పాత్రలు వస్తుండడంతో ఉబ్బితబ్బిబ్బయిపోతోంది.