Pawan Kalyan: పవన్-క్రిష్ సినిమా టైటిల్ పై అప్ డేట్

స్టార్ హీరోల సినిమాల టైటిల్స్ కోసం అభిమానులు ఎదురుచూస్తుంటారు. తమ అభిమాన నటుడి సినిమా ప్రకటన వచ్చిన దగ్గర నుంచీ ఆ చిత్రం టైటిల్ గురించే ఆసక్తిగా చర్చించుకుంటూ వుంటారు. ఇప్పుడు సోషల్ మీడియా హవా నడుస్తుండడంతో అభిమానులు తమకు తోచిన టైటిల్స్ ను అందంగా డిజైన్ చేసి, ప్రచారం కూడా చేస్తున్నారు. ఈ క్రమంలో క్రిష్ దర్శకత్వంలో పవన్ కల్యాణ్ నటించే చిత్రం టైటిల్ పట్ల కూడా అభిమానుల్లో ఎంతో ఆసక్తి, కుతూహలం నెలకొన్నాయి.

ఇక ఈ చిత్రం టైటిల్ని పవన్ జన్మదినమైన సెప్టెంబర్ 2న ప్రకటించడానికి దర్శకుడు క్రిష్ నిర్ణయించినట్టు తెలుస్తోంది. టైటిల్ అనౌన్స్ మెంట్ కి హీరో బర్త్ డేను మించిన రోజు మరొకటి ఉండదని, ప్రేక్షకులలోకి బాగా చొచ్చుకుపోతుందని భావిస్తున్నారు. ఆ రోజు టైటిల్ తో పాటు ఫస్ట్ లుక్ ను కూడా రిలీజ్ చేస్తారట. కాగా, ఈ చిత్రం కోసం 'విరూపాక్ష' అనే టైటిల్ని పరిశీలిస్తున్నట్టు ప్రచారం కూడా జరుగుతోంది. ఈ చిత్రాన్ని స్వాతంత్ర్యం పూర్వం నాటి కథతో పిరీడ్ మూవీగా నిర్మిస్తున్నారు. ఇదిలావుంచితే, మరోపక్క పవన్ నటిస్తున్న 'వకీల్ సాబ్' చిత్రం బ్యాలెన్స్ చిత్రీకరణ వచ్చే నెలలో ప్రారంభం కావచ్చని సమాచారం.