Ram: రామ్ 'రెడ్' మూవీ డిజిటల్ రైట్స్ కోసం గట్టిపోటీ

'ఇస్మార్ట్ శంకర్' సినిమాతో మాస్ హీరోగా రామ్ మరిన్ని మార్కులు కొట్టేశాడు. ఈ సారి ఆయన మాస్ హీరోయిజానికి లవ్ స్టోరీని జత చేస్తూ కిషోర్ తిరుమల దర్శకత్వంలో 'రెడ్' సినిమా చేస్తున్నాడు. విభిన్నమైన కథాకథనాలతో ఈ సినిమాను రూపొందించారు. ఏప్రిల్ లోనే ఈ సినిమాను విడుదల చేయవలసి వుంది. కానీ లాక్ డౌన్ కారణంగా వాయిదా పడింది.

నివేదా పేతురాజ్ కథానాయికగా నటించిన ఈ సినిమాకు డిజిటల్ ఫ్లాట్ ఫామ్స్ నుంచి భారీ ఆఫర్లు వచ్చాయట. అయితే స్రవంతి మూవీస్ వారు ఈ సినిమాను థియేటర్స్ లోనే విడుదల చేయాలనే బలమైన నిర్ణయంతో వున్నారు. దాంతో థియేటర్స్ లో విడుదలైన తరువాతైనా ఆ సినిమా డిజిటల్ రైట్స్ తమకి ఇవ్వమంటూ ఓటీటీ ఫ్లాట్ ఫామ్స్ పోటీ పడుతున్నాయట. ముఖ్యంగా నెట్ ఫ్లిక్స్ నుంచి భారీ ఆఫర్ వున్నట్టుగా చెప్పుకుంటున్నారు. మణిశర్మ సంగీతాన్ని అందించిన ఈ సినిమాలో, హెబ్బా పటేల్ ఒక ఆ ఐటమ్ లో మెరవనుంది.