Sukumar: తెలంగాణ సాయుధ పోరాటంపై సినిమా చేయాలనుకున్నాను: సుకుమార్
- 'పుష్ప' పనులు నడుస్తూనే ఉన్నాయి
- పాత్రల లుక్స్ విషయంలో క్లారిటీ వచ్చేసింది
- ఆ సినిమా చేయాల్సిందన్న సుకుమార్
ప్రస్తుతం సుకుమార్ 'పుష్ప' సినిమాకి సంబంధించిన పనులతో బిజీగా వున్నాడు. లాక్ డౌన్ కారణంగా షూటింగుకి వెళ్లకపోయినా, స్క్రిప్ట్ కి సంబంధించిన .. కాస్ట్యూమ్స్ కి సంబంధించిన పనులను పూర్తి చేస్తున్నట్టుగా చెప్పాడు. అలాగే షూటింగుకి వెళ్లిన తరువాత ఎక్కడా గ్యాప్ రాకుండా ప్లాన్ చేస్తున్నానని అన్నాడు.
మిగతా పాత్రల లుక్స్ కి సంబంధించిన విషయాల్లోను క్లారిటీకి రావడం జరిగిందని చెప్పాడు. మొదటి నుంచి కూడా నేను పుస్తకాలు ఎక్కువగా చదువుతాను. ఈ మధ్యనే తెలంగాణ సాయుధ పోరాటం గురించిన పుస్తకం చదివాను. 'రంగస్థలం' తరువాత తెలంగాణ సాయుధ పోరాటం నేపథ్యంలోనే సినిమా చేయాలని అనుకున్నాను .. కానీ కుదరలేదు' అని చెప్పుకొచ్చాడు. చూస్తుంటే .. తెలంగాణ సాయుధ పోరాటం గురించి సుకుమార్ సినిమా చేసేలానే కనిపిస్తున్నాడు.
