Narendra Modi: ప్రొఫైల్ పిక్ తో కూడా సందేశం ఇస్తున్న ప్రధాని మోదీ!

ప్రధాని నరేంద్ర మోదీ ఇవాళ జాతినుద్దేశించి ప్రసంగించిన సంగతి తెలిసిందే. కరోనాపై పోరాటంలో భాగంగా దేశవ్యాప్త లాక్ డౌన్ ను మే 3 వరకు పొడిగిస్తున్నట్టు తెలిపారు. ఈ సందర్భంగా ప్రధాని మోదీ తన మెడ చుట్టూ స్కార్ఫ్ వంటి వస్త్రాన్ని ధరించారు. ఇప్పుడదే వస్త్రాన్ని మాస్కుగా చుట్టుకున్నారు. ఈ మేరకు తన ట్విట్టర్ ప్రొఫైల్ పిక్ ను కూడా మార్చేశారు. ముఖానికి ప్రత్యేక వస్త్రం చుట్టుకుని, చేతులు జోడిస్తున్న మోదీని ఆ పిక్ లో చూడొచ్చు. కరోనా నివారణకు మాస్కులు ధరించడం కూడా కీలకమని తన పిక్ ద్వారా ఆయన జాతిని కోరుతున్నట్టుగా భావించవచ్చు.