ప్రభుత్వోద్యోగి తొలగింపుపై సుప్రీంకోర్టు కీలక వ్యాఖ్యలు
- ఉద్యోగం నుంచి తీసేయడం మరణశిక్ష లాంటిదన్న సుప్రీంకోర్టు
- ఆదాయానికి మించిన ఆస్తుల కేసులో ఉద్యోగి తొలగింపు
- మద్రాస్ హైకోర్టు డివిజన్ బెంచ్ తీర్పును రద్దు చేసిన సర్వోన్నత న్యాయస్థానం
- ఉద్యోగిని తిరిగి విధుల్లోకి తీసుకోవాలని ఆదేశాలు
- సాక్ష్యాధారాలు లేకుండా దోషిగా తేల్చారని స్పష్టీకరణ
ప్రభుత్వోద్యోగిని సర్వీసు నుంచి తొలగించడం అతనికి మరణశిక్ష విధించడంతో సమానమని సుప్రీంకోర్టు కీలక వ్యాఖ్యలు చేసింది. ఆదాయానికి మించిన ఆస్తుల ఆరోపణలతో విధుల నుంచి తొలగింపునకు గురైన తమిళనాడులోని పెరియార్ విశ్వవిద్యాలయ డిప్యూటీ రిజిస్ట్రార్ ఆర్. శరవణన్‌ను తిరిగి విధుల్లోకి తీసుకోవాలని అత్యున్నత న్యాయస్థానం ఆదేశించింది. ఈ మేరకు జస్టిస్ ప్రశాంత్ కుమార్ మిశ్రా, జస్టిస్ శ్రీ చంద్రశేఖర్‌లతో కూడిన ధర్మాసనం తీర్పు వెలువరించింది.
ఈ కేసులో మద్రాసు హైకోర్టు డివిజన్ బెంచ్ వెలువరించిన తీర్పును సుప్రీంకోర్టు కొట్టివేసింది. శరవణన్‌ను తిరిగి విధుల్లోకి తీసుకోవాలని గతంలో హైకోర్టు ఏకసభ్య ధర్మాసనం ఇచ్చిన తీర్పును అత్యున్నత న్యాయస్థానం సమర్థించింది. విశ్వవిద్యాలయం నియమించిన ఏకసభ్య కమిషన్ ఎలాంటి సాక్ష్యాధారాలు లేకుండానే శరవణన్‌ను దోషిగా తేల్చిందని సుప్రీంకోర్టు స్పష్టం చేసింది.
"ఒక ప్రభుత్వోద్యోగిని సర్వీసు నుంచి తొలగించడం మరణశిక్ష విధించడానికి ఏమాత్రం తక్కువ కాదు. ఆ నిర్ణయం ప్రభావం ఉద్యోగితో పాటు అతని కుటుంబంపై కూడా తీవ్రంగా ఉంటుంది" అని ధర్మాసనం పేర్కొంది. కేవలం వదంతుల ఆధారంగా ఒక వ్యక్తిని శిక్షించడం దారుణమని అభిప్రాయపడింది. శరవణన్‌ను దోషిగా నిర్ధారించడానికి కనీస ఆధారాలు కూడా లేవని కోర్టు తేల్చిచెప్పింది. సరైన కారణాలు లేకుండానే ఏకసభ్య ధర్మాసనం తీర్పులో హైకోర్టు డివిజన్ బెంచ్ జోక్యం చేసుకుందని తప్పుబట్టింది.
ఈ కేసులో మద్రాసు హైకోర్టు డివిజన్ బెంచ్ వెలువరించిన తీర్పును సుప్రీంకోర్టు కొట్టివేసింది. శరవణన్‌ను తిరిగి విధుల్లోకి తీసుకోవాలని గతంలో హైకోర్టు ఏకసభ్య ధర్మాసనం ఇచ్చిన తీర్పును అత్యున్నత న్యాయస్థానం సమర్థించింది. విశ్వవిద్యాలయం నియమించిన ఏకసభ్య కమిషన్ ఎలాంటి సాక్ష్యాధారాలు లేకుండానే శరవణన్‌ను దోషిగా తేల్చిందని సుప్రీంకోర్టు స్పష్టం చేసింది.
"ఒక ప్రభుత్వోద్యోగిని సర్వీసు నుంచి తొలగించడం మరణశిక్ష విధించడానికి ఏమాత్రం తక్కువ కాదు. ఆ నిర్ణయం ప్రభావం ఉద్యోగితో పాటు అతని కుటుంబంపై కూడా తీవ్రంగా ఉంటుంది" అని ధర్మాసనం పేర్కొంది. కేవలం వదంతుల ఆధారంగా ఒక వ్యక్తిని శిక్షించడం దారుణమని అభిప్రాయపడింది. శరవణన్‌ను దోషిగా నిర్ధారించడానికి కనీస ఆధారాలు కూడా లేవని కోర్టు తేల్చిచెప్పింది. సరైన కారణాలు లేకుండానే ఏకసభ్య ధర్మాసనం తీర్పులో హైకోర్టు డివిజన్ బెంచ్ జోక్యం చేసుకుందని తప్పుబట్టింది.
