Allu Arjun: 'పుష్ప' విషయంలో పట్టుదలతో వున్న దేవిశ్రీ

సుకుమార్ - దేవిశ్రీ ప్రసాద్ కాంబినేషన్లో వచ్చిన పాటలు సూపర్ హిట్ గా నిలిచాయి. ఈ ఇద్దరి కాంబినేషన్లో రూపొందిన చిత్రాల్లోని ఐటమ్ సాంగ్స్ విశేషమైన ఆదరణ పొందాయి. ఈ నేపథ్యంలో సుకుమార్ 'పుష్ప' సినిమాకి కూడా దేవీశ్రీని తీసుకున్నాడు.

అయితే ఈ సినిమాకి ముందు బన్నీ చేసిన 'అల వైకుంఠపురములో' సినిమాకి తమన్ సంగీతాన్ని అందించాడు. ఆ సినిమా మ్యూజికల్ హిట్ గా నిలిచింది. అందువలన తమన్ ను తీసుకుందామని బన్నీ అన్నప్పటికీ, ఆయనకి సర్ది చెప్పి దేవిశ్రీకే సుకుమార్ ఛాన్స్ ఇచ్చాడు. ఎలాంటి పరిస్థితుల్లో సుకుమార్ తనకి ఈ సినిమా ఇచ్చాడనే విషయం దేవిశ్రీకి తెలుసు. అందువలన 'పుష్ప' సినిమాతో కొత్తదనం చూపించాలనీ, తనేమిటనేది నిరూపించుకోవాలనే పట్టుదలతో దేవిశ్రీ వున్నాడని అంటున్నారు. ఇటీవల కాలంలో దేవిశ్రీ సంగీతంలో పస తగ్గిందనే విమర్శలకు ఆయన ఎలా చెక్  పెడతాడో చూడాలి.