Sukumar: మహేశ్ నిర్ణయం సరైనదేనంటున్న ఫ్యాన్స్

సుకుమార్ .. బన్నీ కాంబినేషన్లో ఒక సినిమా రూపొందుతున్న సంగతి తెలిసిందే. రీసెంట్ గా ఈ సినిమాకి 'పుష్ప' అనే టైటిల్ ను ఖరారు చేస్తూ, అల్లు అర్జున్ ఫస్టులుక్ ను వదిలారు. సుకుమార్ ఈ సినిమాను మహేశ్ బాబుతో చేయాలనే ఉద్దేశంతో ముందుగా ఆయననే సంప్రదించాడు. అయితే మహేశ్ బాబు అంతగా ఆసక్తిని చూపని కారణంగా ఈ కథ అల్లు అర్జున్ దగ్గరికి వచ్చింది.

మహేశ్ బాబు ఈ ప్రాజెక్టును ఎందుకు ఒప్పుకోలేదా అనే ఆలోచనలో పడిన అభిమానులు, ఆయన తీసుకున్న నిర్ణయం సరైనదేననే అభిప్రాయాన్ని ఇప్పుడు సోషల్ మీడియాలో వ్యక్తం చేస్తున్నారు. మహేశ్ బాబుకి ఇంత మొరటు లుక్ సెట్ కాదనీ, అలాగే 'పుష్ప' అనే టైటిల్ కూడా ఆయనకి సెట్ కాదని అంటున్నారు. ఈ పాత్రకి మహశ్ రంగు .. ఆయన ఇమేజ్ కి ఈ టైటిల్ నప్పేవి కావని చెబుతున్నారు. ఈ రెండింటి కారణంగా మహేశ్ బాబు ఈ ప్రాజెక్టును వదులుకోవడం మంచిదే అయిందనే అభిప్రాయాన్ని వ్యక్తం చేస్తున్నారు.