Harish Shankar: హరీశ్ శంకర్ తో బన్నీ మరో మూవీ?

తెలుగులో మాస్ ఆడియన్స్ పల్స్ తెలిసిన దర్శకుల జాబితాలో హరీశ్ శంకర్ కూడా కనిపిస్తాడు. మాస్ ఆడియన్స్ మెచ్చే అన్ని అంశాలు తన కథలో ఉండేలా చూసుకోవడంలో హరీశ్ శంకర్ సిద్ధహస్తుడు. ఆ మధ్య అల్లు అర్జున్ తో 'దువ్వాడ జగన్నాథం' సినిమాను ప్రేక్షకుల ముందుకు తీసుకొచ్చిన ఆయన భారీ విజయాన్ని అందుకున్నాడు. ఈ కాంబినేషన్లో మరో సినిమా పట్టాలెక్కే ఛాన్స్ ఉందనే టాక్ ఫిల్మ్ నగర్లో వినిపిస్తోంది.

నిన్న హరీశ్ శంకర్ పుట్టినరోజు కావడంతో, అల్లు అర్జున్ కాల్ చేసి మాట్లాడాడట. ఈ విషయాన్ని బన్నీనే స్వయంగా చెప్పడం విశేషం. ఈ సమయంలోనే తమ కాంబినేషన్లో మరో సినిమాను పట్టాలెక్కిస్తే బాగుంటుందనే విషయాన్ని గురించి ఇద్దరూ మాట్లాడుకుని ఉంటారని అంటున్నారు. ప్రస్తుతం బన్నీ కమిట్ అయిన సినిమాలు పూర్తవ్వగానే ఈ ఇద్దరి కాంబినేషన్లో మరో సినిమా పట్టాలెక్కే ఛాన్స్ లేకపోలేదని అంటున్నారు.