IKEA: హైదరాబాదులో ఐకియాతో పాటు పలు అంతర్జాతీయ స్టోర్ల మూసివేత!

కరోనా విస్తరిస్తున్న నేపథ్యంలో మన దేశంలో పలు అంతర్జాతీయ స్టోర్లు కీలక నిర్ణయాలు తీసుకుంటున్నాయి. ఇందులో భాగంగా హైదరాబాదులోని తమ స్టోర్ ను ఈరోజు నుంచి మూసివేస్తున్నట్టు ఇంటర్నేషనల్ ఫర్నిచన్ జెయింట్ ఐకియా ఓ ప్రకటనలో పేర్కొంది.

దీంతో పాటు నగరంలోని నైకీ, అడిడాస్, యాపిల్ వంటి అంతర్జాతీయ స్టోర్లు కూడా మూతపడ్డాయి. తమ ఉద్యోగులు, వినియోగదారుల సంక్షేమం కోసమే స్టోర్లను మూసివేస్తున్నట్టు ఈ కంపెనీలు తెలిపాయి. మరోవైపు హైదరాబాదులో కరోనా విస్తరించకుండా జీహెచ్ఎంసీ కట్టుదిట్టమైన చర్యలు తీసుకుంటోంది. నగరాన్ని పూర్తిగా శుభ్రం చేయిస్తోంది.