విచారణకు రండి... శంకర్, కమల్ హాసన్ లకు పోలీసుల నోటీసులు!
బుధవారం నాడు తమిళనాడులో కమలహాసన్ హీరోగా, శంకర్ దర్శకత్వంలో తెరకెక్కుతున్న భారతీయుడు-2 చిత్రం షూటింగ్ లో జరిగిన పెను ప్రమాదం ముగ్గురు యువ టెక్నీషియన్లను బలి తీసుకోగా, పోలీసులు కేసు నమోదు చేశారు. ఈ ఘటనపై సుమోటోగా కేసు పెట్టిన పోలీసులు, ఐపీసీలోని 4 సెక్షన్లు జోడించారు. విచారణకు రావాలని శంకర్, కమలహాసన్, క్రేన్ ఆపరేటర్ లతో పాటు క్రేన్ యజమాని, ప్రొడక్షన్ మేనేజర్ లకు నోటీసులు పంపించారు. వీరంతా 25వ తేదీలోపు విచారణకు హాజరు కావాలని పోలీసులు ఆదేశించారు.
