Sahoo: ప్రభాస్ నోట్లో రవీనా టాండన్ చీరకొంగు... వైరల్ పిక్ చూశారా?
ప్రస్తుతం తన కొత్త చిత్రం 'సాహో' సినిమా ప్రమోషన్ లో బిజీగా ఉన్న యంగ్ రెబల్ స్టార్ ప్రభాస్, సల్మాన్ ఖాన్ నిర్మాతగా వ్యవహరిస్తున్న 'నాచ్ బలియే-9' డ్యాన్స్ రియాలిటీ షోలో పాల్గొంటున్న వేళ, ఓ ఆసక్తికర ఘటన జరిగింది. ఇదే కార్యక్రమంలో ఒకప్పటి బాలీవుడ్ బ్యూటీ రవీనా టాండన్ కూడా హాజరైన వేళ, ఓ పాటకు నృత్యం చేయాలని వారిద్దరినీ సల్మాన్ కోరారు. 'కిక్' సినిమాలోని 'జుమ్మేకీ రాత్ హై...' పాటకు తాను స్టెప్పులు వేస్తూ, ప్రభాస్, రవీనాలతో స్టెప్పులు వేయించారు. ఈ ఫొటోలు ఇప్పుడు సోషల్ మీడియాలో వైరల్ అవుతున్నాయి. కాగా, సుజీత్ దర్శకత్వంలో వస్తున్న 'సాహో'లో నీల్ నితిన్ ముఖేష్, జాకీ ష్రాఫ్, అరుణ్ విజయ్, మురళీ శర్మ, వెన్నెల కిశోర్, మందిరా బేడీ తదితరులు నటించిన సంగతి తెలిసిందే.
