'సాహో' నుంచి హృదయాన్ని గిలిగింతలు పెట్టే పాట

ప్రభాస్, శ్రద్ధా కపూర్ జంటగా నటించిన చిత్రం 'సాహో'. భారీ బడ్జెట్ తో రూపొందిన ఈ మూవీ ఇటీవలే షూటింగ్ పూర్తిచేసుకుంది. ప్రస్తుతం పోస్ట్ ప్రొడక్షన్ పనులు జరుపుకుంటోంది. కాగా, 'సైకో సయాన్' పేరుతో ఇప్పటికే ఓ సాంగ్ రిలీజ్ చేసిన ఈ చిత్రబృందం తాజాగా 'ఏ చోట నువ్వున్నా' అంటూ సాగే ఓ ప్రేమ గీతాన్ని విడుదల చేసింది. ఇది ఈ సంవత్సరపు ప్రేమగీతం అవుతుందని, మీ హృదయాలను గిలిగింతలు పెడుతుందని యూవీ క్రియేషన్స్ తన ట్విట్టర్ అకౌంట్ లో పేర్కొంది. సుజిత్ దర్శకత్వంలో పూర్తి యాక్షన్ ఎంటర్టయినర్ గా వస్తున్న 'సాహో' ఆగస్టు 30న ప్రపంచవ్యాప్తంగా రిలీజవుతోంది.