చూద్దాం.. పవన్ కల్యాణ్ ఏ మేరకు విజయం సాధిస్తాడో: మాజీ ముఖ్యమంత్రి రోశయ్య
- ఏపీలో కాంగ్రెస్ పరిస్థితి చూస్తుంటే బాధగా ఉంది
- నా కుటుంబం నుంచి ఎవరూ రాజకీయాల్లోకి రాలేదు
- ఏపీకి ప్రత్యేక హోదా వస్తుందని చెప్పలేను
తనకంటూ ప్రత్యేకంగా శిష్యులు ఎవరూ లేరన్న రోశయ్య తన కుటుంబం నుంచి కూడా రాజకీయాల్లోకి ఎవరూ రాలేదని స్పష్టం చేశారు. తాను పదవిలో ఉన్నప్పుడు విషయాల ప్రాతిపదికనే పనులు చేసేవాడిని తప్పితే తనది పలానా కులమని ఆ కులం వాళ్లకు ఎప్పుడూ ప్రాధాన్యం ఇవ్వలేదన్నారు. ఒత్తిడి భరించలేకే వేరే ఎవరికైనా ముఖ్యమంత్రి పదవి ఇవ్వాలని అధిష్ఠానాన్ని అడిగానని, అందుకు వారు అంగీకరించారని రోశయ్య వివరించారు.
వచ్చే ఎన్నికల్లో ఏపీలో ఎవరు అధికారంలోకి వస్తారో చెప్పలేమన్న రోశయ్య.. కొత్త కుర్రాడు పవన్ మాత్రం ఏదో తపనతో తన ప్రయత్నం తాను చేస్తున్నాడని, ఈ విషయంలో అతడు ఎంతవరకు విజయవంతమవుతాడో వేచి చూడాల్సిందేనని రోశయ్య అన్నారు.
