సమంత 'సూపర్ డీలక్స్' నుంచి ట్రైలర్ రిలీజ్

తమిళంలో టి.కుమారరాజా దర్శకత్వంలో విజయ్ సేతుపతి .. సమంత .. ఫహాద్ ఫాసిల్ ప్రధాన పాత్రధారులుగా 'సూపర్ డీలక్స్' సినిమా నిర్మితమైంది. ఈ సినిమా షూటింగ్ పూర్తయి కొంతకాలమైనా, కొన్ని కారణాల వలన విడుదల విషయంలో జాప్యం జరుగుతూ వచ్చింది. తమిళంతో పాటు తెలుగులోనూ ఈ సినిమాను అదే పేరుతో మార్చి 29వ తేదీన విడుదల చేయనున్నారు.

ఈ నేపథ్యంలో తాజాగా ఈ సినిమా నుంచి తమిళ ట్రైలర్ ను రిలీజ్ చేశారు. ప్రధాన పాత్రధారుల కాంబినేషన్లోని కొన్ని ఇంట్రెస్టింగ్ సీన్స్ పై కట్ చేసిన ఈ ట్రైలర్ సినిమాపై ఆసక్తిని రేకెత్తించేదిలా వుంది. ఈ సినిమాలో రమ్యకృష్ణ ఒక కీలకమైన పాత్రను పోషించింది. ఆమె పాత్ర ఈ సినిమాకి హైలైట్ గా నిలుస్తుందనే టాక్ కోలీవుడ్లో వినిపిస్తోంది. ఇక విజయ్ సేతుపతి డిఫరెంట్ లుక్ కూడా ఈ సినిమాపై మరింతగా అంచనాలు పెంచుతోంది. రెండు భాషల్లోను సమంతకి ఒకేసారి హిట్ పడుతుందేమో చూడాలి.