ఎంపీ పదవికి రాజీనామా చేసిన బాల్క సుమన్

పెద్దపల్లి టీఆర్ఎస్ ఎంపీ బాల్క సుమన్ తన పదవికి రాజీనామా చేశారు. రాజీనామా లేఖను లోక్ సభ స్పీకర్ సుమిత్రా మహాజన్ కు అందజేశారు. ఈ సందర్భంగా సుమన్ తో పాలు పలువురు టీఆర్ఎస్ ఎంపీలు కూడా ఉన్నారు. ఇటీవల జరిగిన తెలంగాణ అసెంబ్లీ ఎన్నికల్లో చెన్నూరు నుంచి బాల్క సుమన్ గెలుపొందారు. ఈ నేపథ్యంలో, ఆయన ఎంపీ పదవికి రాజీనామా చేశారు. మరోవైపు తెలంగాణ మంత్రివర్గంలో ఆయనకు బెర్త్ లభిస్తుందనే వార్తలు కూడా వినిపిస్తున్నాయి. టీఆర్ఎస్ వర్కింగ్ ప్రెసిడెంట్ కేటీఆర్ కు సుమన్ అత్యంత సన్నిహితుడన్న విషయం తెలిసిందే.