చరణ్ మూవీ ప్రీ రిలీజ్ ఈవెంట్ కి రాజమౌళి .. ఎన్టీఆర్

చరణ్ కథానాయకుడిగా బోయపాటి శ్రీను దర్శకత్వంలో 'వినయ విధేయ రామ' రూపొందింది. సంక్రాంతి కానుకగా ఈ సినిమాను జనవరి 11వ తేదీన విడుదల చేయనున్నారు. ఈ నేపథ్యంలోనే ఈ సినిమా టీమ్ ప్రీ రిలీజ్ ఈవెంట్ ను ప్లాన్ చేసింది. అందుకు సంబంధించిన సన్నాహాలు జరుగుతున్నాయి. వైజాగ్ లో ఈ వేడుక ఏర్పాట్లు చేయనున్నట్టు వార్తలు వస్తున్నాయి.

వైభవంగా జరిగే ఈ వేడుకకి ముఖ్య అతిథులుగా ఎన్టీఆర్ .. రాజమౌళి రానున్నట్టుగా ప్రచారం జరుగుతోంది. చరణ్ .. ఎన్టీఆర్ .. రాజమౌళి కాంబినేషన్లో 'ఆర్ ఆర్ ఆర్' సినిమా రూపొందుతోన్న సంగతి తెలిసిందే. చరణ్ తో వున్న సాన్నిహిత్యం కారణంగానే ఈ వేడుకకి ఎన్టీఆర్ .. రాజమౌళి రానున్నట్టు తెలుస్తోంది. ఇలా ఒకే వేదికపై చరణ్ .. ఎన్టీఆర్ .. రాజమౌళి కనిపించడం వలన ఇటు 'వినయ విధేయ రామ'కే కాకుండా అటు 'ఆర్ ఆర్ ఆర్'కి కూడా ప్లస్ అవుతుందని భావిస్తున్నట్టుగా తెలుస్తోంది.