ఈ పాట రిథమ్ ఎంజాయ్ చేస్తారని ఆశిస్తున్నా: ఏ.ఆర్. రెహమాన్

రాజీవ్ మీనన్ దర్శకత్వంలో జీవీ ప్రకాష్‌ కుమార్ కథానాయకుడిగా నటించిన 'సర్వం తాళమయం' సినిమా నుండి టైటిల్ ట్రాక్ ని కాసేపటిక్రితం సంగీత దర్శకుడు రెహమాన్ తన ట్విట్టర్ ఖాతాలో విడుదల చేశారు. మైండ్‌స్క్రీన్ సినిమాస్ పతాకంపై నిర్మించిన ఈ సినిమా నుండి ఇప్పటికే టీజర్ ని విడుదల చేయగా అది ప్రేక్షకులని ఎంతగానో ఆకట్టుకుంది. 'మొదలయ్యే హృదయం సవ్వడి గర్భాన తొలిగా.. గర్వాలా ఆటే ఆడి ఆగేనే తుదిగా.. గగనాలే గర్జించేను తలబడితే మేఘాలే..' అంటూ ఈ పాట సాగుతోంది. సంగీతం నేపథ్యంలో సాగే ఈ చిత్రానికి ఏ.ఆర్. రెహమాన్ సంగీతాన్ని అందించాడు.