రాజమౌళి సినిమాలో ఛాన్స్ కొట్టేసిన కీర్తి సురేశ్

రాజమౌళి మల్టీ స్టారర్ మూవీ ఇటీవలే లాంచ్ అయింది. ఎన్టీఆర్ .. చరణ్ కథానాయకులుగా నటించనున్న ఈ సినిమా, ఈ నెల 29వ తేదీ నుంచి రెగ్యులర్ షూటింగ్ జరుపుకోనుంది. ప్రస్తుతం అందుకు సంబంధించిన సన్నాహాలు జరుగుతున్నాయి. భారీ యాక్షన్ ఎపిసోడ్ కి ప్లాన్ చేసినట్టుగా సమాచారం.

ఈ సినిమాలో ముగ్గురు కథానాయికలు వుండనున్నారనే టాక్ వచ్చింది. ఒక కథానాయికగా కీర్తి సురేశ్ ను ఎంపిక చేసుకున్నారనేది తాజా సమాచారం. ఇటీవల కాలంలో తెలుగు .. తమిళ భాషల్లో కీర్తి సురేశ్ క్రేజ్ ఏ స్థాయిలో పెరిగిపోయిందో తెలిసిందే. ఈ సినిమా రెండవ షెడ్యూల్లో కీర్తి సురేశ్ జాయిన్ కానుందని అంటున్నారు. ఇక ఆమె ఎన్టీఆర్ సరసన కనిపిస్తుందా? చరణ్ జోడీగా అలరిస్తుందా? అనే విషయంలోనే స్పష్టత రావాలి. అలాగే మిగతా ఇద్దరు కథానాయికలు ఎవరనే సస్పెన్స్ కూడా వీడవలసి వుంది.