ntr: రాజమౌళి సినిమా లాంచ్ రోజునే హీరోయిన్ల పేర్లను ప్రకటిస్తారట!

రాజమౌళి తదుపరి సినిమా ఎన్టీఆర్ ..  చరణ్ లతో వుండనుందనే విషయం తెలిసిన దగ్గర నుంచి, ఈ సినిమా ఎప్పుడు సెట్స్ పైకి వెళుతుందా అని అంతా ఆత్రుతగా ఎదురుచూస్తున్నారు. వాళ్ల నిరీక్షణకు తెరదించేస్తూ .. ఈ నెల 11వ తేదీన ఉదయం 11 గంటలకు ఈ సినిమా పూజా కార్యక్రమాలను ప్రారంభించనున్నారు. ఈ ప్రకటనకు సంబంధించిన వీడియోను కూడా వదలడంతో, అంతా ఈ విషయాన్ని గురించే మాట్లాడుకుంటున్నారు.

టైటిల్ ను ఎప్పుడు ఎనౌన్స్ చేస్తారు? .. హీరోయిన్లుగా ఎవరిని తీసుకున్నారు? వంటి ప్రశ్నలు అందరిలోనూ తలెత్తాయి. టైటిల్ సంగతి అటుంచితే, హీరోయిన్లు ఎవరనే విషయాన్ని మాత్రం ఈ సినిమా లాంచ్ రోజున ఎనౌన్స్ చేసేస్తారనే టాక్ బలంగా వినిపిస్తోంది. ఇప్పటికే వాళ్ల ఎంపిక పూర్తయిందనీ .. అందువలన 11వ తేదీన ఎనౌన్స్  చేయడం ఖాయమని చెప్పుకుంటున్నారు. హీరోయిన్స్ గా ఎవరు ఛాన్స్ కొట్టేశారో చూడాలి మరి.