vijay devarakonda: విజయ్ దేవరకొండ .. రవితేజ మధ్య పోటీ తప్పడం లేదు

రవితేజ కథానాయకుడిగా శ్రీను వైట్ల 'అమర్ అక్బర్ ఆంటోని' సినిమా చేశాడు. ఇలియానా కథానాయికగా నటించిన ఈ సినిమా, కథాపరంగా విదేశాల్లోనే ఎక్కువగా షూటింగ్ జరుపుకుంది. మూడు డిఫరెంట్ లుక్స్ తో రవితేజ కనిపించనున్న ఈ సినిమా, వచ్చేనెల 16వ తేదీన విడుదల కానుంది. డిసెంబర్లో రిలీజ్ చేద్దామని ముందుగా అనుకున్నప్పటికీ, కొన్ని కారణాలవలన నవంబర్లోకి వచ్చేశారు.ఇక విజయ్ దేవరకొండ కథానాయకుడిగా చేసిన 'టాక్సీవాలా' సినిమా కూడా ఇదే రోజున ప్రేక్షకుల ముందుకు రానుంది. ఈ సినిమా షూటింగ్ పూర్తయి కొంతకాలమైనా, కొన్ని కారణాల వలన విడుదల వాయిదా పడుతూ వచ్చింది. అలా ఈ రెండు సినిమాలు నవంబర్ 16వ తేదీకి ఫిక్స్ అయ్యాయి. యూత్ లో విజయ్ దేవరకొండకి క్రేజ్ ఎక్కువ అయినప్పటికీ, ఆలస్యం కారణంగా 'టాక్సీవాలా'పై అంచనాలు తగ్గాయి. రవితేజ 'అమర్ అక్బర్ ఆంటోని'పై మాత్రం హైప్ కనిపిస్తోంది.