తొలి రోజునే హిట్ టాక్ తెచ్చుకున్న '96'

విజయ్ సేతుపతి .. త్రిష జంటగా ప్రేమ్ కుమార్ దర్శకత్వంలో రూపొందిన '96' తమిళ మూవీ, ఈ రోజునే ప్రేక్షకుల ముందుకు వచ్చింది. 1996 నాటి ప్రేమకథా నేపథ్యంలో నిర్మితమైన ఈ సినిమా, తొలి రోజునే హిట్ టాక్ తెచ్చుకుంది. ఈ సినిమాకి వచ్చిన 4 రేటింగ్ .. అక్కడి అనూహ్యమైన స్పందనకు అద్దం పడుతోంది. తమిళనాట యూత్ అంతా కూడా ఈ సినిమాకి నీరాజనాలు పడుతోంది.

ఈ మధ్యకాలంలో వచ్చిన మంచి ప్రేమకథా చిత్రాల్లో ఇదొకటని అంటున్నారు. విడుదలకి ముందే ఈ సినిమా చూసిన దిల్ రాజు, ఇది తప్పకుండా హిట్ కొడుతుందని భావించారు. అందువల్లనే ఈ సినిమా తెలుగు రీమేక్ రైట్స్ తో తిరిగి వచ్చారు. ఈ సినిమాను సెట్స్ పైకి తీసుకెళ్లే పనులను ఆయన అప్పుడే ఆరంభించేశారు. కొంతకాలంగా నిర్మాతగా దిల్ రాజు వరుస పరాజయాలను ఎదుర్కుంటూ వస్తున్నారు. తమిళంలో '96' హిట్ టాక్ తెచ్చుకోవడంతో, తెలుగులో దిల్ రాజు కూడా హిట్ కొట్టనున్నాడని చెప్పుకుంటున్నారు.