surya: తెలుగు, తమిళ భాషల్లో రూపొందే మల్టీ స్టారర్లో విజయ్ దేవరకొండ?

తెలుగులో విపరీతమైన క్రేజ్ ను సొంతం చేసుకున్న విజయ్ దేవరకొండ, తమిళనాట కూడా క్రేజ్ తెచ్చుకుని మార్కెట్ పెంచుకునే ఆలోచనలో వున్నాడు. అందులో భాగంగానే ఆయన 'నోటా' సినిమా చేశాడు. ఈ రెండు భాషల్లోను ఈ సినిమా వచ్చేనెల 5వ తేదీన విడుదల కానుంది. రాజకీయాల నేపథ్యంలో రూపొందిన ఈ సినిమాపై విజయ్ దేవరకొండ గట్టి నమ్మకంతో వున్నాడు.

ఇదిలా ఉంచితే, త్వరలో తమిళ హీరో సూర్యతో కలసి విజయ్ దేవరకొండ ఓ మల్టీ స్టారర్ చేసే అవకాశం వుందని తెలుస్తోంది. తెలుగు, తమిళ భాషల్లో రూపొందే ఈ చిత్రానికి సుధా కొంగర దర్శకత్వం వహించనున్నారు. ఈ సినిమాకి సంబంధించిన ప్రీ ప్రొడక్షన్ పనులు ప్రస్తుతం జరుగుతున్నాయి.