'పందెం కోడి 2' నుంచి ఫస్టు టీజర్ వచ్చేస్తోంది

తెలుగులో విశాల్ కి మొదటిసారిగా క్రేజ్ తీసుకొచ్చిన సినిమా 'పందెం కోడి'. ఈ సినిమా మాస్ హీరోగా ఇక్కడ కూడా ఆయనకి మంచి పేరు తీసుకొచ్చింది. లింగుస్వామి దర్శకత్వం వహించిన ఈ సినిమా భారీ వసూళ్లను సాధించింది. అలాంటి ఈ సినిమాకి ఇప్పుడు సీక్వెల్ రూపొందింది. ఈ సినిమాలో కథానాయికగా కీర్తి సురేశ్ నటించగా, నెగెటివ్ షేడ్ కలిగిన పాత్రను వరలక్ష్మి శరత్ కుమార్ చేసింది.

దసరా పండుగ సందర్భంగా తెలుగు .. తమిళ భాషల్లో ఈ సినిమాను అక్టోబర్ 18వ తేదీన విడుదల చేయనున్నారు. ఈ నేపథ్యంలో ఈ సినిమా నుంచి ఫస్టులుక్ ను .. టీజర్ ను రేపు ఉదయం 11 గంటలకు విడుదల చేయనున్నారు. ప్రస్తుతం అందుకు సంబంధించిన సన్నాహాలు జరుగుతున్నాయి. 'పందెం కోడి'కి మించి 'పందెం కోడి 2' సక్సెస్ ను సాధిస్తుందనే నమ్మకంతో విశాల్ వున్నాడు.