మహేశ్ బాబు మేనల్లుడు తెరపైకి వచ్చేశాడు!

సూపర్ స్టార్ కృష్ణ ఫ్యామిలీ నుంచి వస్తోన్న నటుల సంఖ్య నెమ్మదిగా పెరిగిపోతోంది. ఒక వైపున మహేశ్ బాబు తిరుగులేని కథానాయకుడిగా కొనసాగుతున్నాడు. మరో వైపున ఆయన బావ అయిన సుధీర్ బాబు కూడా విభిన్నమైన కథా చిత్రాలతో సక్సెస్ లను సొంతం చేసుకుంటున్నాడు. సుధీర్ బాబు పెద్ద కొడుకు .. 'భలే భలే మగాడివోయ్' .. 'విన్నర్' సినిమాల్లో చైల్డ్ ఆర్టిస్ట్ గా మెప్పించాడు.

తాజాగా సుధీర్ బాబు రెండవ అబ్బాయి .. అంటే మహేశ్ బాబు చిన్న మేనల్లుడు 'దర్శన్' కూడా తెలుగు తెరకి పరిచయమైపోయాడు. ఈ రోజున థియేటర్స్ కి వచ్చిన 'గూఢచారి' సినిమాలో హీరో చిన్నప్పటి పాత్రలో దర్శన్ కనిపించనున్నాడు. సుధీర్ బాబు ఇద్దరు పిల్లలు కూడా ముద్దుగా ముచ్చటగా ఉంటారు. అందువలన చైల్డ్ ఆర్టిస్టులుగా వీళ్లు బిజీ అవుతారనడంలో ఎలాంటి సందేహం లేదు. మేనమామ బాటలో నడిచేసి భవిష్యత్తులో హీరోలైపోయినా ఆశ్చర్యం లేదు.