సినీ పరిశ్రమలో ‘క్యాస్టింగ్ కౌచ్’పై జయప్రద స్పందన!

ఇటీవల చర్చనీయాంశమైన సినీ పరిశ్రమలో ‘క్యాస్టింగ్ కౌచ్’ అంశంపై సినీ తారలు ఒక్కొక్కరుగా స్పందిస్తూ తమ అభిప్రాయాలను వ్యక్తం చేస్తున్నారు. తాజాగా అలనాటి అందాల తార జయప్రద ఈ వివాదంపై స్పందించారు. ఓ ఇంటర్వ్యూలో ఆమె మాట్లాడుతూ... తనకెప్పుడూ ఆ అనుభవం ఎదురుకాలేదని తెలిపారు. చిన్న వయసులోనే సినిమాల్లోకి రావడం, తాను నటించిన సినిమాలు అన్నీ విజయవంతం కావడమే దీనికి కారణమని వ్యాఖ్యానించారు.

సినిమాల్లో పాత్రల కోసం తాను ఎవరి వద్దకూ వెళ్లి అడగాల్సిన అవసరమే రాలేదని జయప్రద తెలిపారు. సినీ పరిశ్రమలోకి రావాలనే కోరిక చాలా మంది అమ్మాయిల్లో ఉందని ఆమె తెలిపారు. ముంబయి నుంచి వస్తోన్న చాలా మంది కొత్తమ్మాయిలు  అవకాశాల కోసం దర్శక, నిర్మాతల వద్దకు వెళుతున్నారని, దీంతో క్యాస్టింగ్ కౌచ్ గురించి బయటివారికి తెలిసిందని వ్యాఖ్యానించారు.