YSRCP: వైసీపీ ఎమ్మెల్యేలు రాజీనామా చేస్తున్నారని ఎల్లోమీడియా దుష్ప్రచారం!: పార్ధసారథి

వైఎస్సార్ కాంగ్రెస్‌ పార్టీ అధినేత జగన్మోహన్‌ రెడ్డి నిన్న పార్టీ సీనియర్‌ నేతలతో పాటు రాజీనామా చేసిన ఎంపీలతో సమావేశం అయ్యారని, ఎల్లో మీడియా మాత్రం తమ పార్టీ ఎమ్మెల్యేలు రాజీనామా చేస్తున్నారని, అందుకే సమావేశమయ్యారని ప్రచారం చేసిందని ఆ పార్టీ నేత పార్ధసారథి అన్నారు.

మీడియాలో వస్తోన్న ఈ వార్తల్ని తాము తీవ్రంగా ఖండించడమే కాకుండా న్యాయపోరాటం కూడా చేస్తామని వ్యాఖ్యానించారు. ఈ రోజు ఆయన మీడియాతో మాట్లాడుతూ... చంద్రబాబు నాయుడు ఎన్నికల మేనిఫెస్టోలో బీసీలకు ఇచ్చిన హామీలను అమలు చేయలేదని అన్నారు. అధికారాన్ని అడ్డం పెట్టుకుని ఆయన వ్యవస్థలను మేనేజ్‌ చేస్తున్నారని, ఇటీవల జస్టిస్‌ ఈశ్వరయ్య ఇచ్చిన స్టేట్‌మెంట్‌తో ఈ విషయం స్పష్టమైందని అన్నారు.