ఈ జీవితం ఇక చాలు: శ్రీరెడ్డి సంచలన వ్యాఖ్యలు

టాలీవుడ్ క్యాస్టింగ్ కౌచ్ పై గళమెత్తి, సినీ పెద్దలు తనకు అన్యాయం చేశారని ఆరోపిస్తూ ఫిల్మ్ చాంబర్ ముందు అనూహ్య నిరసనలు తెలియజేసిన నటి శ్రీరెడ్డి, తన ఫేస్ బుక్ ఖాతాలో సంచలన వ్యాఖ్యలు చేసింది. ఈ జీవితం ఇక చాలనిపిస్తోందని ఆమె వ్యాఖ్యానించింది. ఈ ఉదయం 6 గంటల సమయంలో "ఇనఫ్ ఆఫ్ దిస్ లైఫ్" అంటూ పోస్టు పెట్టగా, అది నిమిషాల్లో వైరల్ అయింది. అంతకుముందు మరో పోస్టు పెడుతూ ఈ ప్రపంచంలో తొలిసారిగా తాను ఒంటరినన్న భావన కలుగుతోందని చెప్పింది. అలా చేసిన ప్రతి ఒక్కరికీ కృతజ్ఞతలని చెప్పింది. తనకు శాంతి కావాలని ఉందని పేర్కొంది.