అర్జున్ రెడ్డి త‌మిళ రీమేక్ కోసం హీరోయిన్ కావాల‌ట‌!

ఈ ఏడాది బిగ్గెస్ట్ హిట్‌గా నిలిచిన 'అర్జున్ రెడ్డి' చిత్రాన్ని త‌మిళంలో విక్ర‌మ్ కుమారుడు ధ్రువ్ హీరోగా 'వర్మ' పేరుతో రీమేక్ చేస్తున్న సంగ‌తి తెలిసిందే. ఈ చిత్రానికి బాలా ద‌ర్శ‌క‌త్వం వ‌హించ‌నున్నారు. అయితే ఈ సినిమాలో న‌టించేందుకు ఇంకా హీరోయిన్ దొర‌క‌లేద‌ట‌. దీంతో కొత్త హీరోయిన్ కోసం వారు వెతుకులాట ప్రారంభించారు.

హీరోయిన్ కావాలంటూ ఓ వీడియోను ధ్రువ్ త‌న ఇన్‌స్టాగ్రాంలో పోస్ట్ చేశాడు. ఇందులో త‌మ హీరోయిన్ కు ఉండాల్సిన ల‌క్ష‌ణాల‌ను వివ‌రించారు. ఈ వీడియోకు న‌టి శ్రుతి హాస‌న్ వాయిస్ ఓవ‌ర్ ఇచ్చింది. వీలైనంత త్వ‌ర‌గా ఆడిష‌న్ ఎంట్రీల‌ను పంపించాలని విక్రమ్ కోరాడు. అందుకోసం ఒక మెయిల్ ఐడీని కూడా ఇచ్చాడు. మ‌రి ఇంకా ఆల‌స్యం ఎందుకు? పంపించేయండి!