దిశ మార్చుకుని, తీవ్ర తుపానుగా మారిన 'అక్వాన్'.. ఉత్తరాంధ్రకు హైఅలర్ట్

Andhra
Advertisement
  • నవంబర్ 20 మధ్యాహ్నం తీరం దాటనున్న తీవ్ర తుపాను అక్వాన్
  • నరసాపురం పూరీ మధ్య తీరం దాటే అవకాశం ఉందన్న ఐఎండీ
  • ఉత్తరాంధ్ర జిల్లాల్లో భారీ వర్షాలు బలమైన గాలుల హెచ్చరిక
  • మత్స్యకారులు వేటకు వెళ్లొద్దని విపత్తుల నిర్వహణ సంస్థ ఆదేశం
  • రంగంలోకి 13 ఎన్డీఆర్ఎఫ్ 11 ఎస్డీఆర్ఎఫ్ బృందాలు
బంగాళాఖాతంలో ఏర్పడిన ‘అక్వాన్’ తుపాను తీవ్ర రూపం దాల్చింది. ఇది దిశ మార్చుకుని, తీవ్ర తుపానుగా మారి ఉత్తర ఆంధ్రప్రదేశ్, యానాం సహా దక్షిణ ఒడిశా తీరాల వైపు వేగంగా దూసుకొస్తోంది. భారత వాతావరణ శాఖ (ఐఎండీ) వెల్లడించిన తాజా వివరాల ప్రకారం.. ఈ తీవ్ర తుపాను నవంబర్ 20 మధ్యాహ్నానికి నరసాపురం – పూరీ మధ్య తీరం దాటే అవకాశం ఉంది. తీరం దాటే సమయంలో గంటకు 90 నుంచి 100 కిలోమీటర్ల వేగంతో, గరిష్ఠంగా 110 కిలోమీటర్ల వేగంతో బలమైన ఈదురుగాలులు వీచే ప్రమాదం ఉందని వాతావరణ శాఖ హెచ్చరించింది.

పశ్చిమ మధ్య, దానిని ఆనుకుని ఉన్న దక్షిణ బంగాళాఖాతంలో కేంద్రీకృతమైన 'అక్వాన్' తీవ్ర తుపాను గత ఆరు గంటల్లో గంటకు 9 కిలోమీటర్ల వేగంతో ఉత్తర-వాయవ్య దిశగా కదిలింది. ప్రస్తుతం ఇది నరసాపురానికి ఆగ్నేయంగా 500 కిలోమీటర్లు, కళింగపట్నానికి దక్షిణ-ఆగ్నేయంగా 540 కిలోమీటర్లు, చెన్నైకి తూర్పుగా 560 కిలోమీటర్లు, గోపాల్‌పూర్‌కు దక్షిణంగా 630 కిలోమీటర్లు, పూరీకి దక్షిణంగా 690 కిలోమీటర్ల దూరంలో కేంద్రీకృతమై ఉంది. ఇది మరింతగా ఉత్తర-వాయవ్య దిశలోనే ప్రయాణించి తీరం వైపు సాగుతుందని అధికారులు స్పష్టం చేశారు.

ఈ తుపాను ప్రభావంతో ఉత్తరాంధ్ర జిల్లాల్లో గురువారం విస్తారంగా వర్షాలు కురిసే అవకాశం ఉందని ఆంధ్రప్రదేశ్ రాష్ట్ర విపత్తుల నిర్వహణ సంస్థ (ఏపీఎస్‌డీఎంఏ) మేనేజింగ్ డైరెక్టర్, ఆర్టీజీఎస్ సీఈవో ప్రఖర్ జైన్ తెలిపారు. శ్రీకాకుళం జిల్లాలోని పలు ప్రాంతాల్లో మోస్తరు నుంచి భారీ వర్షాలు పడే సూచనలు ఉన్నాయని చెప్పారు. విజయనగరం, పార్వతీపురం మన్యం, అల్లూరి సీతారామరాజు, పోలవరం, విశాఖపట్నం, అనకాపల్లి జిల్లాల్లో మోస్తరు వర్షాలు కురుస్తాయని వివరించారు. గురువారం ఉత్తరాంధ్ర తీరం వెంబడి గంటకు 60 నుంచి 70 కిలోమీటర్ల వేగంతో, గరిష్ఠంగా 80 కిలోమీటర్ల వరకు ఈదురుగాలులు వీస్తాయని పేర్కొన్నారు. సముద్రం అల్లకల్లోలంగా మారనున్నందున మత్స్యకారులు ఎట్టి పరిస్థితుల్లోనూ వేటకు వెళ్లవద్దని హెచ్చరించారు. తీరప్రాంత ప్రజలు, రైతులు అప్రమత్తంగా ఉండి తగిన జాగ్రత్తలు తీసుకోవాలని సూచించారు.

మరోవైపు తుపాను ముప్పు పొంచి ఉన్న నేపథ్యంలో ఆంధ్రప్రదేశ్ ప్రభుత్వం ముందస్తు జాగ్రత్తలపై దృష్టి సారించింది. రాష్ట్ర హోం మంత్రి వంగలపూడి అనిత ఉన్నతాధికారులతో సమీక్షా సమావేశం నిర్వహించి పరిస్థితిని సమీక్షించారు. రాబోయే 48 గంటల పాటు అధికార యంత్రాంగం అత్యంత అప్రమత్తంగా ఉండాలని ఆదేశించారు. ఎలాంటి ప్రాణ, ఆస్తి నష్టం జరగకుండా అన్ని శాఖల అధికారులు సమన్వయంతో ముందస్తు చర్యలు చేపట్టాలని స్పష్టం చేశారు.

తుపాను సహాయక చర్యల కోసం ప్రభుత్వం భారీ ఏర్పాట్లు చేసింది. అత్యవసర పరిస్థితులను ఎదుర్కొనేందుకు వీలుగా 13 ఎన్డీఆర్ఎఫ్ (NDRF), 11 ఎస్డీఆర్ఎఫ్ (SDRF) బృందాలతో పాటు స్థానిక అగ్నిమాపక దళాలను సిద్ధంగా ఉంచినట్లు హోం మంత్రి తెలిపారు. అవసరమైన ప్రాంతాలకు తక్షణమే ఈ బృందాలను తరలించేలా కార్యాచరణ రూపొందించామన్నారు. జిల్లా, మండల కేంద్రాల్లో ఏర్పాటు చేసిన కంట్రోల్ రూమ్‌లు 24 గంటల పాటు నిరంతరం పనిచేయాలని, ప్రజల నుంచి వచ్చే ఫిర్యాదులు, విజ్ఞప్తులపై వెంటనే స్పందించి సహాయం అందించాలని ఆమె అధికారులను ఆదేశించారు.
Advertisement

సంబంధిత వార్తలు

Cyclone AkhwanNorth AndhraIMD Cyclone AlertNarasapuram Puri LandfallAndhra Pradesh WeatherNDRF Rescue Teams

More Telugu News

టెస్ట్ క్రికెట్‌లో సరికొత్త చరిత్ర సృష్టించిన బంగ్లాదేశ్ వికెట్ కీపర్

18 Nov, 23:06

లీటరు రూ.7 వేలు.. గాడిద పాలకు ఎందుకు అంత ధర?

18 Nov, 22:56

వాట్సాప్‌లో కొత్త ఫీచర్.. ఇక గూగుల్ డ్రైవ్‌తో పనిలేదు!

18 Nov, 22:48

న్యూజిలాండ్‌తో చివరి వన్డేలో టీమిండియాకు భారీ జరిమానా

18 Nov, 22:41

25 ఏళ్లకే రూ.1 కోటి అప్పు తీర్చాడు.. ఐఐటీ ఢిల్లీ గ్రాడ్యుయేట్ స్ఫూర్తి గాథ

18 Nov, 22:35

మెంటార్‌గా వ్యవహరించడం ధోనీకి అంత ఈజీ కాదు: మాజీ క్రికెటర్ ఆసక్తికర వ్యాఖ్యలు

18 Nov, 22:23

అకడమిక్ ఇయర్‌కు, పేమెంట్ క్వార్టర్‌కు తేడా తెలియదా?: జగన్‌కు లోకేశ్ కౌంటర్

18 Nov, 22:14

యాపిల్ మ్యాప్స్.. సరికొత్త ఫీచర్లతో భారత్‌లో రీడిజైన్.. తెలుగులోనూ సేవలు!

18 Nov, 22:00

మంత్రి కొల్లు రవీంద్ర సోదరి శేష మల్లేశ్వరి కన్నుమూత

18 Nov, 21:55

వచ్చే 6 నెలల విద్యుత్ డిమాండ్‌కు తగిన ప్రణాళికలు సిద్ధం చేయాలి: చంద్రబాబు ఆదేశం

18 Nov, 21:46

అయ్యప్ప భక్తులకు శుభవార్త: చర్లపల్లి, హైదరాబాద్ నుంచి కొల్లాంకు ప్రత్యేక రైళ్లు

18 Nov, 21:39

ఒంగోలు కోర్టు తనకు జైలుశిక్ష విధించడంపై బండ్ల గణేశ్ స్పందన

18 Nov, 21:31

హైదరాబాద్ సమీపంలో రాతి చిత్రాలు.. 5000 ఏళ్ల నాటివి!

18 Nov, 21:23

ఈ ఏడాది రెండోసారి పాల ధరలు పెంచిన అమూల్, మదర్ డెయిరీ

18 Nov, 21:02
..More Telugu News