ఏఐపై భారతీయుల్లో ఆశావాదం.. అమెరికన్లలో మాత్రం నిరాశ: శామ్‌ ఆల్ట్‌మన్‌
Advertisement
- చాట్‌జీపీటీ వినియోగదారుల్లో భారత్ అగ్రస్థానంలో ఉందని వెల్లడి
- అమెరికన్లలో ఏఐపై ప్రతికూల దృక్పథం ఉందని వ్యాఖ్య
- వ్యాపారాల కోసం ఏఐని వినియోగిస్తున్న భారతీయులు
- వేగంగా అభివృద్ధి చెందే దేశాల్లో ఏఐకి ఆదరణ ఎక్కువని అభిప్రాయం
- ఓపెన్‌ఏఐలో వాటా తీసుకోకపోవడం పొరపాటేనని ఆల్ట్‌మన్‌ అంగీకారం
Advertisement
కృత్రిమ మేధ (ఏఐ) విషయంలో భారతీయులు ఎంతో ఆశావాదంతో ఉన్నారని, అమెరికన్లు మాత్రం దీనిపై కొంత ప్రతికూల దృక్పథంతో ఉన్నారని ఓపెన్‌ఏఐ సీఈఓ శామ్‌ ఆల్ట్‌మన్‌ అన్నారు. భారత్‌లో ఏఐని కొత్త మార్గాల్లో ఉపయోగించేందుకు ప్రజలు ఆసక్తి చూపుతున్నారని ప్రశంసించారు. చాట్‌జీపీటీ వినియోగదారుల సంఖ్య పరంగా అమెరికాను అధిగమించి భారత్ తమ సంస్థకు అతిపెద్ద మార్కెట్‌గా అవతరించిందని వెల్లడించారు.
ప్రముఖ వ్యాపారవేత్త రాజ్‌ షమానీ నిర్వహించే ‘ఫిగరింగ్‌ అవుట్‌’ పాడ్‌కాస్ట్‌లో ఆల్ట్‌మన్‌ ఈ విషయాలను వెల్లడించారు. అమెరికాలో సాధారణ వ్యక్తులతో మాట్లాడినప్పుడు ఏఐపై కొంత సందేహం, నిరాశ కనిపిస్తాయన్నారు. భారత్‌లో మాత్రం ఈ సాంకేతికతపై ఎక్కువ ఆశాభావం వ్యక్తమవుతోందని చెప్పారు. ఈ వ్యత్యాసం తనకు స్పష్టంగా కనిపిస్తోందన్నారు.
భారత్‌లో చాలామంది ఏఐని కేవలం సమాచారం తెలుసుకోవడానికి మాత్రమే కాకుండా, వ్యాపారాలను ప్రారంభించడానికి, కొత్త ఆలోచనలను ఆచరణలో పెట్టడానికి ఉపయోగిస్తున్నారని ఆల్ట్‌మన్‌ వివరించారు. నిధుల సేకరణపై గతంలో ఎలాంటి అనుభవం లేని ఓ భారతీయ విద్యార్థి.. తన పాఠశాల కోసం విరాళాలు సేకరించే మొత్తం ప్రక్రియను ఓపెన్‌ఏఐ సాధనాల సాయంతో నిర్వహించాడని ఉదాహరణగా చెప్పారు. ఏఐని ప్రజలు ఎంత సృజనాత్మకంగా ఉపయోగించుకుంటున్నారో ఈ ఘటన తెలియజేస్తోందన్నారు.
అభివృద్ధి వేగంగా జరుగుతున్న దేశాల్లో ఏఐకి ఎక్కువ ఆదరణ లభించే అవకాశం ఉందని ఆల్ట్‌మన్‌ అభిప్రాయపడ్డారు. ఆర్థికంగా ఎదుగుతున్న దేశాల్లో ఉత్పత్తులు, సేవలకు డిమాండ్‌ ఎక్కువగా ఉంటుందని, ఆ అవసరాలను తీర్చడంలో ఏఐ కీలక పాత్ర పోషించగలదని వివరించారు. అందుకే భారత్ వంటి దేశాల్లో ఈ సాంకేతికతను స్వీకరించేందుకు ప్రజలు ముందుకు వస్తున్నారని పేర్కొన్నారు.
ఓపెన్‌ఏఐలో తనకు వాటా లేకపోవడంపై కూడా ఆల్ట్‌మన్‌ స్పందించారు. ఆ నిర్ణయం పొరపాటేనని అంగీకరించారు. తాను మంచి ఉద్దేశాలతోనే అలా చేశానని, అయితే సంస్థను నడిపిస్తున్న వ్యక్తికి అందులో వాటా లేకపోవడంపై చాలామందికి సందేహాలు కలుగుతున్నాయని చెప్పారు. ఏఐ రంగంలో అధికార కేంద్రీకరణపై అమెరికాలో వ్యక్తమవుతున్న విమర్శలు కొంతవరకు సమంజసమేనని, అయితే తనపై వస్తున్న విమర్శలు హద్దులు దాటుతున్నాయని అభిప్రాయపడ్డారు.
ప్రముఖ వ్యాపారవేత్త రాజ్‌ షమానీ నిర్వహించే ‘ఫిగరింగ్‌ అవుట్‌’ పాడ్‌కాస్ట్‌లో ఆల్ట్‌మన్‌ ఈ విషయాలను వెల్లడించారు. అమెరికాలో సాధారణ వ్యక్తులతో మాట్లాడినప్పుడు ఏఐపై కొంత సందేహం, నిరాశ కనిపిస్తాయన్నారు. భారత్‌లో మాత్రం ఈ సాంకేతికతపై ఎక్కువ ఆశాభావం వ్యక్తమవుతోందని చెప్పారు. ఈ వ్యత్యాసం తనకు స్పష్టంగా కనిపిస్తోందన్నారు.
భారత్‌లో చాలామంది ఏఐని కేవలం సమాచారం తెలుసుకోవడానికి మాత్రమే కాకుండా, వ్యాపారాలను ప్రారంభించడానికి, కొత్త ఆలోచనలను ఆచరణలో పెట్టడానికి ఉపయోగిస్తున్నారని ఆల్ట్‌మన్‌ వివరించారు. నిధుల సేకరణపై గతంలో ఎలాంటి అనుభవం లేని ఓ భారతీయ విద్యార్థి.. తన పాఠశాల కోసం విరాళాలు సేకరించే మొత్తం ప్రక్రియను ఓపెన్‌ఏఐ సాధనాల సాయంతో నిర్వహించాడని ఉదాహరణగా చెప్పారు. ఏఐని ప్రజలు ఎంత సృజనాత్మకంగా ఉపయోగించుకుంటున్నారో ఈ ఘటన తెలియజేస్తోందన్నారు.
అభివృద్ధి వేగంగా జరుగుతున్న దేశాల్లో ఏఐకి ఎక్కువ ఆదరణ లభించే అవకాశం ఉందని ఆల్ట్‌మన్‌ అభిప్రాయపడ్డారు. ఆర్థికంగా ఎదుగుతున్న దేశాల్లో ఉత్పత్తులు, సేవలకు డిమాండ్‌ ఎక్కువగా ఉంటుందని, ఆ అవసరాలను తీర్చడంలో ఏఐ కీలక పాత్ర పోషించగలదని వివరించారు. అందుకే భారత్ వంటి దేశాల్లో ఈ సాంకేతికతను స్వీకరించేందుకు ప్రజలు ముందుకు వస్తున్నారని పేర్కొన్నారు.
ఓపెన్‌ఏఐలో తనకు వాటా లేకపోవడంపై కూడా ఆల్ట్‌మన్‌ స్పందించారు. ఆ నిర్ణయం పొరపాటేనని అంగీకరించారు. తాను మంచి ఉద్దేశాలతోనే అలా చేశానని, అయితే సంస్థను నడిపిస్తున్న వ్యక్తికి అందులో వాటా లేకపోవడంపై చాలామందికి సందేహాలు కలుగుతున్నాయని చెప్పారు. ఏఐ రంగంలో అధికార కేంద్రీకరణపై అమెరికాలో వ్యక్తమవుతున్న విమర్శలు కొంతవరకు సమంజసమేనని, అయితే తనపై వస్తున్న విమర్శలు హద్దులు దాటుతున్నాయని అభిప్రాయపడ్డారు.
Advertisement