తెలుగు రాష్ట్రాల్లో నేటి బంగారం, వెండి ధరలు ఎలా ఉన్నాయంటే..!

బంగారం, వెండి ధరలు మంగళవారం స్వల్పంగా తగ్గుముఖం పట్టాయి. అంతర్జాతీయ రాజకీయ, భౌగోళిక పరిణామాల ప్రభావంతో పసిడి ధరలు కొద్దిగా దిగివచ్చాయి. తాజా ధరల ప్రకారం, హైదరాబాద్, విజయవాడ మార్కెట్లలో 10 గ్రాముల 24 క్యారెట్ల బంగారం ధర ₹1,49,670గా నమోదైంది. అదేవిధంగా, 10 గ్రాముల 22 క్యారెట్ల బంగారం ధర ₹1,37,190 వద్ద కొనసాగుతోంది.

వెండి ధరలోనూ స్వల్ప మార్పు చోటుచేసుకుంది. కిలో వెండి ధర సుమారు ₹100 తగ్గి ₹2,39,900 వద్ద స్థిరపడింది. ఇక 18 క్యారెట్ల బంగారం ధర 10 గ్రాములకు ₹1,12,250గా నమోదైంది. తెలంగాణలోని హైదరాబాద్, వరంగల్, ఖమ్మం, నిజామాబాద్‌తో పాటు ఆంధ్రప్రదేశ్‌లోని విజయవాడ, విశాఖపట్నం, కాకినాడ, తిరుపతి వంటి ప్రధాన నగరాల్లో దాదాపు ఇవే ధరలు అమలవుతున్నాయి.

దేశంలోని ఇతర ముఖ్య నగరాలైన ముంబై, ఢిల్లీ, బెంగళూరు, కోల్‌కతాలలో కూడా ఇవే ధరలు కొనసాగుతున్నాయి. అయితే, వడోదరలో స్వల్పంగా అధిక ధరలు నమోదు కాగా, చెన్నైలో 18 క్యారెట్ల బంగారం ధరలో కొద్దిపాటి వ్యత్యాసం ఉంది. బంగారం, వెండి ధరలు రోజంతా హెచ్చుతగ్గులకు లోనవుతుంటాయి. కాబట్టి, కొనుగోలు చేసే ముందు తాజా లైవ్ రేట్లను మరోసారి సరిచూసుకోవాలని మార్కెట్ నిపుణులు సూచిస్తున్నారు.