చెలరేగి ఆడుతున్న టీమిండియా బ్యాటర్లు.. రోహిత్‌, గిల్‌ సెంచరీలు

భారత్-వెస్టిండీస్ రెండో వన్డే రసవత్తరంగా సాగుతోంది. గువాహటిలోని బర్సపరా క్రికెట్ స్టేడియంలో జరుగుతున్న ఈ మ్యాచ్‌లో తొలుత బ్యాటింగ్ చేసిన వెస్టిండీస్ భారీ స్కోర్ సాధించింది. అయితే 406 పరుగుల లక్ష్యంతో బరిలోకి దిగిన టీమిండియా దూకుడుగా ఆడుతోంది.

భారీ లక్ష్యాన్ని ఛేదించేందుకు బరిలోకి దిగిన భారత ఓపెనర్లు రోహిత్ శర్మ, శుభ్‌మన్ గిల్ విండీస్ బౌలర్లకు ఏమాత్రం అవకాశం ఇవ్వలేదు. ఇద్దరూ ఆరంభం నుంచే దూకుడుగా ఆడుతూ పరుగుల వరద పారించారు.
అనుభవజ్ఞుడైన రోహిత్ శర్మ 75 బంతుల్లో 101 పరుగులు చేసి ఎల్‌బీడబ్ల్యూగా వెనుదిరిగాడు. మరోవైపు 27 పరుగులు పూర్తయ్యే సమయానికి శుభ్‌మన్ గిల్ 87 బంతుల్లో 146 పరుగులతో కోహ్లీతో కలిసి క్రీజులో ఉన్నాడు.

భారత్ 27 ఓవర్లలో ఒక వికెట్‌ నష్టపోయి 262 పరుగులు చేసింది. గిల్, కోహ్లీ ఇద్దరూ క్రీజులో ఉండి టీమిండియాను విజయతీరాల దిశగా తీసుకెళుతున్నారు.