పసిడి ప్రియులకు షాక్.. మళ్లీ పెరిగిన బంగారం ధర, వెండి స్థిరం

దేశీయ బులియన్ మార్కెట్‌లో గురువారం బంగారం ధరలు స్వల్పంగా పుంజుకున్నాయి. అంతర్జాతీయ మార్కెట్‌లో పసిడి ధర భారీగా పతనమైనప్పటికీ, దేశీయంగా మాత్రం ధరలు పెరగడం గమనార్హం. మరోవైపు, వెండి ధరల్లో ఎటువంటి మార్పు నమోదు కాలేదు.

హైదరాబాద్, విశాఖపట్నం, విజయవాడ నగరాల్లో నేటి ఉదయం నమోదైన ధరల వివరాల ప్రకారం.. 10 గ్రాముల 24 క్యారెట్ల బంగారం ధర రూ.870 పెరిగి రూ.1,54,200కు చేరుకుంది. అదేవిధంగా, 10 గ్రాముల 22 క్యారెట్ల ఆభరణాల బంగారం ధర రూ.800 పెరిగి రూ.1,41,350 వద్ద స్థిరపడింది. ఇక కిలో వెండి ధరలో ఎలాంటి మార్పు లేకుండా రూ.2,55,000 వద్ద నిలకడగా కొనసాగుతోంది.

అంతర్జాతీయ మార్కెట్‌లో పరిస్థితి ఇందుకు పూర్తి భిన్నంగా ఉంది. స్పాట్ గోల్డ్ ధర ఔన్సుపై ఏకంగా 42 డాలర్లకు పైగా క్షీణించి, ప్రస్తుతం 4,297 డాలర్ల వద్ద ట్రేడ్ అవుతోంది. స్పాట్ సిల్వర్ ధర కూడా 2.64 శాతం తగ్గి ఔన్సుకు 64.26 డాలర్లకు పడిపోయింది. బులియన్ మార్కెట్‌లో ధరలు నిరంతరం హెచ్చుతగ్గులకు లోనవుతుంటాయి. కాబట్టి, బంగారం లేదా వెండి కొనుగోలు చేయాలనుకునేవారు సమీపంలోని నగల దుకాణాల్లో తాజా ధరలను సరిచూసుకోవడం ఉత్తమం.