సెప్టెంబర్ 8: తెలుగు రాష్ట్రాల్లో బంగారం, వెండి ధరలు

భారత మార్కెట్లో మంగళవారం బంగారం ధరలు మరోసారి తగ్గుముఖం పట్టాయి. అంతర్జాతీయంగా అమెరికన్ డాలర్ బలపడటంతో పాటు, యూఎస్ ఫెడరల్ రిజర్వ్ వడ్డీ రేట్లను తగ్గించవచ్చనే అంచనాలు పసిడి ధరలపై ప్రభావం చూపాయి. ఫలితంగా డిమాండ్ క్షీణించి ధరలు దిగివచ్చాయి. ‘గుడ్ రిటర్న్స్’ వెల్లడించిన సమాచారం ప్రకారం.. మంగళవారం ఉదయం 6:30 గంటల సమయానికి దేశంలోని ప్రధాన నగరాల్లో పసిడి ధరలు ఈ విధంగా ఉన్నాయి.

హైదరాబాద్ బులియన్ మార్కెట్లో 10 గ్రాముల 24 క్యారెట్ల బంగారం ధర రూ. 1,54,140గా ఉండగా, 22 క్యారెట్ల బంగారం ధర రూ. 1,41,290 వద్ద కొనసాగుతోంది. ఇక 18 క్యారెట్ల బంగారం ధర రూ. 1,15,560గా నమోదైంది. మరోవైపు కిలో వెండి ధర రూ. 2,54,900 వద్ద స్థిరంగా ఉంది. తెలంగాణలోని వరంగల్, నిజామాబాద్, ఖమ్మం వంటి ప్రధాన నగరాల్లోనూ దాదాపు ఇవే ధరలు అమలవుతున్నాయి.

ఆంధ్రప్రదేశ్‌లోని విజయవాడ, విశాఖపట్నం, అమరావతి, కాకినాడ, తిరుపతి వంటి నగరాల్లోనూ బంగారం ధరలు హైదరాబాద్ తరహాలోనే కొనసాగుతున్నాయి. దేశంలోని ఇతర ప్రధాన నగరాలను పరిశీలిస్తే.. చెన్నై, ముంబై, బెంగళూరులో 10 గ్రాముల 24 క్యారెట్ల బంగారం ధర రూ. 1,54,140గా ఉండగా, దేశ రాజధాని ఢిల్లీలో మాత్రం స్వల్పంగా అధికంగా రూ. 1,54,290 వద్ద ట్రేడ్ అవుతోంది.