రైలు ప్రయాణికులకు అలర్ట్.. నవంబరు నుంచి ఈ 8 రైళ్ల షెడ్యూల్ మార్పు

రైలు ప్రయాణికులకు ముఖ్య గమనిక. దక్షిణ మధ్య రైల్వే (SCR) తన పరిధిలో నడిచే 8 కీలక ఎక్స్‌ప్రెస్ రైళ్ల సమయాలను సవరించింది. ఈ మార్పులు ప్రధానంగా ఆంధ్రప్రదేశ్, తెలంగాణ రాష్ట్రాల్లోని పలు ముఖ్యమైన స్టేషన్లలో ప్రభావం చూపనున్నాయి. నవంబర్ 2026 మొదటి వారం నుంచి వేర్వేరు తేదీల్లో ఈ కొత్త షెడ్యూల్ అమల్లోకి వస్తుందని రైల్వే శాఖ ఒక ప్రకటనలో తెలిపింది. ప్రయాణికులు తమ ప్రయాణానికి ముందుగా కొత్త సమయాలను సరిచూసుకోవాలని అధికారులు సూచించారు.

రైల్వే కార్యకలాపాలను మరింత మెరుగుపరిచే ఉద్దేశంతో ఈ మార్పులు చేసినట్లు అధికారులు వెల్లడించారు. గుంటూరు, సత్తెనపల్లి, నడికుడి, పిడుగురాళ్ల, మార్కాపురం రోడ్, గిద్దలూరు, దిగువమెట్ట, నంద్యాల వంటి స్టేషన్లలో ఈ రైళ్ల రాకపోకల సమయాలు మారనున్నాయి. మారిన రైళ్ల వివరాలు, కొత్త సమయాలు కింద విధంగా ఉన్నాయి:

1. ట్రైన్ నెం. 17290 మైసూరు – కాకినాడ టౌన్ ఎక్స్‌ప్రెస్: ఈ రైలు సమయం నవంబర్ 7 నుంచి మారుతుంది. గుంటూరు: ప్రస్తుతం రాక సాయంత్రం 15:51 / పోక 15:56. కొత్త సమయం ప్రకారం రాక 15:00 / పోక 15:05.

2. ట్రైన్ నెం. 17296 హిసార్ – కాకినాడ టౌన్ ఎక్స్‌ప్రెస్: నవంబర్ 6 నుంచి కొత్త టైమింగ్స్ అమల్లోకి వస్తాయి. గుంటూరు: ప్రస్తుతం రాక సాయంత్రం 16:11 / పోక 16:16. కొత్త సమయం ప్రకారం రాక 15:40 / పోక 15:45.

3. ట్రైన్ నెం. 17444 చర్లపల్లి – తిరుపతి ఎక్స్‌ప్రెస్: నవంబర్ 6 నుంచి ఈ మార్పులు వర్తిస్తాయి. నడికుడి: కొత్త సమయం రాత్రి 19:19/19:20 (పాత సమయం 19:30/19:32). పిడుగురాళ్ల: కొత్త సమయం రాత్రి 19:38/19:40 (పాత సమయం రాత్రి 20:05/20:07). మార్కాపురం రోడ్: కొత్త సమయం రాత్రి 21:05/21:07 (పాత సమయం రాత్రి 21:20/21:22). గిద్దలూరు: కొత్త సమయం రాత్రి 22:05/22:07 (పాత సమయం రాత్రి 22:38). దిగువమెట్ట: కొత్త సమయం రాత్రి 22:20/22:30 (పాత సమయం రాత్రి 22:57/23:07). నంద్యాల: కొత్త సమయం రాత్రి 23:40/23:45 (పాత సమయం అర్ధరాత్రి 00:20/00:25).

4. ట్రైన్ నెం. 17251 గుంటూరు – కాచిగూడ ఎక్స్‌ప్రెస్: నవంబర్ 4 నుంచి ఈ రైలు బయలుదేరే సమయం మారుతుంది. గుంటూరు: ప్రస్తుతం సాయంత్రం 18:40కి బయలుదేరుతుండగా, కొత్తగా 18:00 గంటలకే బయలుదేరుతుంది.

5. ట్రైన్ నెం. 20630 తిరువనంతపురం నార్త్ – సికింద్రాబాద్ ఎక్స్‌ప్రెస్: నవంబర్ 4 నుంచి మార్పులు వర్తిస్తాయి. సత్తెనపల్లి: కొత్త సమయం ఉదయం 06:44/06:45 (పాత సమయం ఉదయం 06:54/06:55).

6. ట్రైన్ నెం. 17625 కాచిగూడ – రేపల్లె ఎక్స్‌ప్రెస్: నవంబర్ 4 నుంచి మార్పులు అమల్లో ఉంటాయి. పిడుగురాళ్ల: కొత్త సమయం అర్ధరాత్రి తర్వాత 02:41/02:42 (పాత సమయం 02:51/02:52).

7. ట్రైన్ నెం. 17078 తిరుచిరాపల్లి – చర్లపల్లి ఎక్స్‌ప్రెస్: నవంబర్ 4 నుంచి ఈ మార్పులు వర్తిస్తాయి. గుంటూరు: కొత్త సమయం మధ్యాహ్నం 14:40/14:50 (పాత సమయం 15:05/15:15). సత్తెనపల్లి: కొత్త సమయం మధ్యాహ్నం 15:19/15:20 (పాత సమయం 15:33/15:35). నడికుడి: కొత్త సమయం 15:59/16:00 (పాత సమయం 16:23/16:25).

8. ట్రైన్ నెం. 17042 తిరువనంతపురం నార్త్ – చర్లపల్లి ఎక్స్‌ప్రెస్: నవంబర్ 4 నుంచి ఈ రైలు సమయాలు మారతాయి. గుంటూరు: కొత్త సమయం సాయంత్రం 17:00/17:10 (పాత సమయం 17:40/17:50). సత్తెనపల్లి: కొత్త సమయం సాయంత్రం 17:45/17:46 (పాత సమయం 18:59/19:00).

ఈ మార్పుల నేపథ్యంలో, ప్రయాణికులు తమ ప్రయాణానికి ముందుగా ఇండియన్ రైల్వేస్ అధికారిక వెబ్‌సైట్, ఐఆర్‌సీటీసీ (IRCTC), ఎన్‌టీఈఎస్ (NTES) యాప్ లేదా సమీపంలోని రైల్వే స్టేషన్లలోని విచారణ కేంద్రాల ద్వారా తాజా సమాచారాన్ని నిర్ధారించుకోవాలని దక్షిణ మధ్య రైల్వే విజ్ఞప్తి చేసింది.