నేపాల్‌కు కే-పాప్ స్టార్ లీ నో భారీ విరాళం

నేపాల్‌ను అతలాకుతలం చేస్తున్న వరద బాధితులను ఆదుకునేందుకు ప్రపంచవ్యాప్తంగా పలువురు దాతలు ముందుకు వస్తున్నారు. ప్రముఖ దక్షిణ కొరియా పాప్ (కే-పాప్) బ్యాండ్ 'స్ట్రే కిడ్స్' సభ్యుడు లీ నో తన ఉదారతను చాటుకున్నారు. వరద సహాయక చర్యల నిమిత్తం 100 మిలియన్ల కొరియన్ వన్ లు (భారత కరెన్సీలో సుమారు రూ. 69 లక్షలు) విరాళంగా ప్రకటించారు.

'వరల్డ్ విజన్' అనే అంతర్జాతీయ స్వచ్ఛంద సంస్థ ద్వారా ఈ విరాళాన్ని అందించారు. ఈ సందర్భంగా లీ నో మాట్లాడుతూ, "ఈ కష్టకాలంలో నేపాల్‌కు నా వంతు సహాయం అందించాలని నిర్ణయించుకున్నాను. ఆ దేశ ప్రజలు ఈ విపత్తు నుంచి వీలైనంత త్వరగా కోలుకోవాలని ఆశిస్తున్నాను" అని ఒక ప్రకటనలో పేర్కొన్నారు. లీ నో 2014 నుంచి వరల్డ్ విజన్‌తో కలిసి పనిచేస్తూ ప్రపంచవ్యాప్తంగా అనేక సేవా కార్యక్రమాల్లో పాల్గొంటున్నారు. గతంలో ఆహార సంక్షోభం, తీవ్ర అనారోగ్య సమస్యలతో బాధపడుతున్న వారి కోసం కూడా లీ నో భారీగా విరాళాలు అందజేశారు.

మరోవైపు, భారతీయ ఆధ్యాత్మిక గురువు, ఈశా ఫౌండేషన్ వ్యవస్థాపకులు సద్గురు జగ్గీ వాసుదేవ్ సైతం నేపాల్‌కు తనవంతు సాయాన్ని ప్రకటించారు. నేపాల్ ప్రధానమంత్రి సహాయ నిధికి ఆయన రూ. 1 కోటి విరాళం అందజేస్తున్నట్లు తెలిపారు. కాగా, నేపాల్ వరదల్లో ఈశా ఫౌండేషన్‌కు చెందిన 77 మంది యాత్రికులు గల్లంతవడం తెలిసిందే.