భోజనం తర్వాత పైనాపిల్.. ఎంత మేలు చేస్తుందో తెలుసా?
- పైనాపిల్లోని బ్రొమెలైన్ ప్రొటీన్ల జీర్ణక్రియకు తోడ్పాటు
- భోజనం తర్వాత పైనాపిల్ తీసుకోవడం ఉపయోగకరం
- దీంట్లోని ఫైబర్ ప్రేగుల ఆరోగ్యానికి తోడ్పాటు
- యాంటీఆక్సిడెంట్గా పనిచేసే విటమిన్-సి
- మితంగా తింటే కడుపు ఉబ్బరం తగ్గే అవకాశం
భోజనం తర్వాత పైనాపిల్ ముక్కలు తినడం చాలామందికి ఇష్టం. రుచితో పాటు జీర్ణక్రియకు కూడా ఇది ఉపయోగపడొచ్చని పోషకాహార నిపుణులు చెబుతున్నారు. పైనాపిల్లో ఉండే ‘బ్రొమెలైన్’ అనే ఎంజైమ్ ఇందుకు ప్రధాన కారణం. ఇది ఆహారంలోని సంక్లిష్ట ప్రొటీన్లను చిన్న భాగాలుగా విడగొట్టడంలో సహాయపడుతుంది.
ప్రొటీన్ల జీర్ణక్రియకు..
మాంసం, చేపలు, గుడ్లు, పాల ఉత్పత్తులు, పప్పుల్లో ప్రొటీన్లు అధికంగా ఉంటాయి. వీటిని జీర్ణం చేయడానికి శరీరంలోని ఎంజైమ్లు పనిచేస్తాయి. పైనాపిల్లోని బ్రొమెలైన్ కూడా ప్రొటీన్లను చిన్న పెప్టైడ్లు, అమైనో ఆమ్లాలుగా విడగొట్టే ప్రక్రియకు తోడ్పడుతుంది.
భోజనం తర్వాత ఎందుకు?
భోజనం పూర్తయ్యాక జీర్ణవ్యవస్థ ఆహారాన్ని విచ్ఛిన్నం చేసే పనిలో ఉంటుంది. ఈ సమయంలో పైనాపిల్ తీసుకోవడం వల్ల బ్రొమెలైన్ జీర్ణక్రియకు అదనపు సహకారం అందించొచ్చని అధ్యయనాలు సూచిస్తున్నాయి. భోజనం చేసిన తర్వాత కలిగే కడుపు ఉబ్బరం, అసౌకర్యాన్ని కొంతవరకు తగ్గించడంలో కూడా ఇది ఉపయోగపడొచ్చని చెబుతున్నారు.
మరిన్ని ప్రయోజనాలు
పైనాపిల్లో ఫైబర్, విటమిన్-సి, యాంటీఆక్సిడెంట్లు ఉంటాయి. ఫైబర్ పేగుల కదలికలకు తోడ్పడుతుంది. విటమిన్-సి శరీరానికి అవసరమైన యాంటీఆక్సిడెంట్గా పనిచేస్తుంది. పైనాపిల్ను మితంగా తీసుకోవడం వల్ల కడుపు ఉబ్బరం వంటి స్వల్ప జీర్ణ సమస్యల్లోనూ ఉపశమనం లభించొచ్చని సమాచారం.
ఎంత తినాలి?
100 గ్రాముల పైనాపిల్లో సుమారు 48 క్యాలరీలు, 11-12 గ్రాముల కార్బోహైడ్రేట్లు, 1.4 గ్రాముల ఫైబర్, 39 మిల్లీగ్రాముల విటమిన్-సి ఉంటాయి. భోజనం తర్వాత దాదాపు ఒక కప్పు తాజా పైనాపిల్ ముక్కలు తీసుకోవచ్చని సూచిస్తున్నారు. అయితే వ్యక్తి ఆరోగ్యం, ఆహార అలవాట్లను బట్టి పరిమాణం మారొచ్చు.
అందరికీ సరిపోదు
పైనాపిల్ను ఎక్కువగా తింటే నోటిలో మంట, చికాకు కలగొచ్చు. ఈ పండుతో అలర్జీ ఉన్నవారు దూరంగా ఉండాలి. బ్రొమెలైన్ సప్లిమెంట్లను వైద్యుల సూచన లేకుండా తీసుకోవద్దని నిపుణులు సూచిస్తున్నారు. పైనాపిల్ జీర్ణక్రియకు తోడ్పడొచ్చు కానీ శరీరంలోని సహజ జీర్ణవ్యవస్థకు ప్రత్యామ్నాయం కాదు.
ప్రొటీన్ల జీర్ణక్రియకు..
మాంసం, చేపలు, గుడ్లు, పాల ఉత్పత్తులు, పప్పుల్లో ప్రొటీన్లు అధికంగా ఉంటాయి. వీటిని జీర్ణం చేయడానికి శరీరంలోని ఎంజైమ్లు పనిచేస్తాయి. పైనాపిల్లోని బ్రొమెలైన్ కూడా ప్రొటీన్లను చిన్న పెప్టైడ్లు, అమైనో ఆమ్లాలుగా విడగొట్టే ప్రక్రియకు తోడ్పడుతుంది.
భోజనం తర్వాత ఎందుకు?
భోజనం పూర్తయ్యాక జీర్ణవ్యవస్థ ఆహారాన్ని విచ్ఛిన్నం చేసే పనిలో ఉంటుంది. ఈ సమయంలో పైనాపిల్ తీసుకోవడం వల్ల బ్రొమెలైన్ జీర్ణక్రియకు అదనపు సహకారం అందించొచ్చని అధ్యయనాలు సూచిస్తున్నాయి. భోజనం చేసిన తర్వాత కలిగే కడుపు ఉబ్బరం, అసౌకర్యాన్ని కొంతవరకు తగ్గించడంలో కూడా ఇది ఉపయోగపడొచ్చని చెబుతున్నారు.
మరిన్ని ప్రయోజనాలు
పైనాపిల్లో ఫైబర్, విటమిన్-సి, యాంటీఆక్సిడెంట్లు ఉంటాయి. ఫైబర్ పేగుల కదలికలకు తోడ్పడుతుంది. విటమిన్-సి శరీరానికి అవసరమైన యాంటీఆక్సిడెంట్గా పనిచేస్తుంది. పైనాపిల్ను మితంగా తీసుకోవడం వల్ల కడుపు ఉబ్బరం వంటి స్వల్ప జీర్ణ సమస్యల్లోనూ ఉపశమనం లభించొచ్చని సమాచారం.
ఎంత తినాలి?
100 గ్రాముల పైనాపిల్లో సుమారు 48 క్యాలరీలు, 11-12 గ్రాముల కార్బోహైడ్రేట్లు, 1.4 గ్రాముల ఫైబర్, 39 మిల్లీగ్రాముల విటమిన్-సి ఉంటాయి. భోజనం తర్వాత దాదాపు ఒక కప్పు తాజా పైనాపిల్ ముక్కలు తీసుకోవచ్చని సూచిస్తున్నారు. అయితే వ్యక్తి ఆరోగ్యం, ఆహార అలవాట్లను బట్టి పరిమాణం మారొచ్చు.
అందరికీ సరిపోదు
పైనాపిల్ను ఎక్కువగా తింటే నోటిలో మంట, చికాకు కలగొచ్చు. ఈ పండుతో అలర్జీ ఉన్నవారు దూరంగా ఉండాలి. బ్రొమెలైన్ సప్లిమెంట్లను వైద్యుల సూచన లేకుండా తీసుకోవద్దని నిపుణులు సూచిస్తున్నారు. పైనాపిల్ జీర్ణక్రియకు తోడ్పడొచ్చు కానీ శరీరంలోని సహజ జీర్ణవ్యవస్థకు ప్రత్యామ్నాయం కాదు.
