రోజంతా కూర్చొని పనిచేస్తున్నారా? ఏమాత్రం నడిస్తే అనారోగ్య ముప్పు తగ్గుతుంది?
- 8 గంటలు కూర్చోవడం వల్ల ఆరోగ్య సమస్యల ముప్పు
- రోజుకు 30-40 నిమిషాలు వేగంగా నడవడం ఉపయోగకరం
- రోజుకు 7,000-10,000 అడుగులు మంచి లక్ష్యమన్న వైద్యులు
- ప్రతి 30-60 నిమిషాలకు కుర్చీలోంచి లేవాలని సూచన
- ఒక్కసారి చేసే వ్యాయామం రోజంతా కూర్చోవడాన్ని భర్తీ చేయదని స్పష్టీకరణ
రోజంతా ఆఫీసులో కుర్చీకే పరిమితమవుతున్నారా? రోజుకు 8 గంటలు కూర్చోవడం వల్ల శరీరంలో కదలిక తగ్గుతుంది. ఇది ఎక్కువకాలం కొనసాగితే గుండె జబ్బులు, టైప్-2 డయాబెటిస్, ఊబకాయం వంటి సమస్యల ముప్పు పెరగొచ్చు. అయితే రోజువారీ జీవితంలో నడక, చిన్న చిన్న కదలికలను పెంచడం ద్వారా ఈ ముప్పును తగ్గించుకోవచ్చని వైద్యులు చెబుతున్నారు.
8 గంటలు కూర్చుంటే ఏం జరుగుతుంది?
ఎక్కువసేపు కదలకుండా కూర్చుంటే కాళ్లలోని కండరాలు పెద్దగా పనిచేయవు. దీంతో శరీరం తక్కువ శక్తిని ఖర్చు చేస్తుంది. అంతేకాదు.. రక్తంలో చక్కెర నియంత్రణ, రక్త ప్రసరణ, కొవ్వు జీవక్రియ వంటి ప్రక్రియలపై కూడా ప్రభావం పడొచ్చని డాక్టర్లు తెలిపారు. అయితే రోజుకు 8 గంటలు కూర్చోవడం వల్ల వెంటనే వ్యాధి వస్తుందని కాదు. కదలిక తక్కువగా ఉండే జీవనశైలి ఎక్కువకాలం కొనసాగినప్పుడు ఆరోగ్య ముప్పు పెరుగుతుంది.
రోజుకు ఎన్ని అడుగులు వేయాలి?
8 గంటలు కూర్చోవడం వల్ల కలిగే అన్ని ప్రభావాలను పూర్తిగా తొలగించే నిర్దిష్ట అడుగుల సంఖ్య ఏదీ లేదు. అయితే రోజుకు 30-40 నిమిషాల మోస్తరు స్థాయి వ్యాయామం, ముఖ్యంగా వేగంగా నడవడం ఉపయోగకరంగా ఉంటుంది. వ్యక్తి వయసు, ఫిట్నెస్, ఆరోగ్య పరిస్థితిని బట్టి రోజుకు 7,000-10,000 అడుగులు మంచి లక్ష్యంగా ఉండొచ్చు.
ఒక పరిశోధనలో రోజుకు 8,000 అడుగులు వేసేవారిలో మరణ ప్రమాదం 4,000 అడుగులు వేసేవారితో పోలిస్తే దాదాపు సగం ఉన్నట్లు గుర్తించారు. అయితే ఇది పరిశీలనాత్మక అధ్యయనం మాత్రమే కావడంతో 8,000 అడుగులు వేస్తే మరణ ప్రమాదం సరిగ్గా సగానికి తగ్గుతుందని చెప్పలేం.
30-40 నిమిషాలు నడిస్తే సరిపోతుందా?
ఉదయం లేదా సాయంత్రం 40 నిమిషాలు నడిచి.. మిగిలిన రోజంతా కుర్చీలోనే కూర్చోవడం సరైన పద్ధతి కాదని డాక్టర్లు హెచ్చరిస్తున్నారు. ప్రతి 30-60 నిమిషాలకు ఒకసారి లేచి కాస్త కదలడం మంచిది. నీళ్లు తెచ్చుకోవడానికి నడవడం, ఫోన్ మాట్లాడేటప్పుడు నిలబడటం, వీలైతే మెట్లు ఎక్కడం, సహోద్యోగి దగ్గరకు నేరుగా వెళ్లి మాట్లాడటం వంటి చిన్న మార్పులు కూడా ఉపయోగపడతాయి.
10 వేల అడుగులే టార్గెట్ అనుకోవద్దు!
వ్యాయామం చేయడం, రోజంతా చురుగ్గా ఉండటం రెండూ ఒకటే కాదు. అమెరికా మార్గదర్శకాల ప్రకారం వారానికి 150-300 నిమిషాల మోస్తరు స్థాయి ఏరోబిక్ వ్యాయామం చేయడంతో పాటు కనీసం రెండు రోజులు కండరాల బలోపేత వ్యాయామాలు చేయాలి.
అందుకే రోజంతా కదలికను చిన్న చిన్న భాగాలుగా పెంచుకోవడం ముఖ్యమని నిపుణులు చెబుతున్నారు.
ఈ చిన్న మార్పులు చాలు
ఉదయం 10 నిమిషాలు నడవడం, పని మధ్యలో చిన్న బ్రేక్లు తీసుకోవడం, భోజనం తర్వాత నడవడం, సాయంత్రం మరోసారి వేగంగా నడవడం వంటి అలవాట్లు చేసుకోవచ్చు. వారంలో కొన్ని రోజులు స్ట్రెంగ్త్ ట్రైనింగ్ కూడా జోడిస్తే మరింత మంచిది. ఒక వర్కౌట్తో రోజంతా కూర్చోవడం వల్ల వచ్చే సమస్యలను పూర్తిగా భర్తీ చేయలేం. రోజంతా కొద్దికొద్దిగా కదులుతూ ఉండటమే ముఖ్యమని వైద్యులు సూచిస్తున్నారు.
8 గంటలు కూర్చుంటే ఏం జరుగుతుంది?
ఎక్కువసేపు కదలకుండా కూర్చుంటే కాళ్లలోని కండరాలు పెద్దగా పనిచేయవు. దీంతో శరీరం తక్కువ శక్తిని ఖర్చు చేస్తుంది. అంతేకాదు.. రక్తంలో చక్కెర నియంత్రణ, రక్త ప్రసరణ, కొవ్వు జీవక్రియ వంటి ప్రక్రియలపై కూడా ప్రభావం పడొచ్చని డాక్టర్లు తెలిపారు. అయితే రోజుకు 8 గంటలు కూర్చోవడం వల్ల వెంటనే వ్యాధి వస్తుందని కాదు. కదలిక తక్కువగా ఉండే జీవనశైలి ఎక్కువకాలం కొనసాగినప్పుడు ఆరోగ్య ముప్పు పెరుగుతుంది.
రోజుకు ఎన్ని అడుగులు వేయాలి?
8 గంటలు కూర్చోవడం వల్ల కలిగే అన్ని ప్రభావాలను పూర్తిగా తొలగించే నిర్దిష్ట అడుగుల సంఖ్య ఏదీ లేదు. అయితే రోజుకు 30-40 నిమిషాల మోస్తరు స్థాయి వ్యాయామం, ముఖ్యంగా వేగంగా నడవడం ఉపయోగకరంగా ఉంటుంది. వ్యక్తి వయసు, ఫిట్నెస్, ఆరోగ్య పరిస్థితిని బట్టి రోజుకు 7,000-10,000 అడుగులు మంచి లక్ష్యంగా ఉండొచ్చు.
ఒక పరిశోధనలో రోజుకు 8,000 అడుగులు వేసేవారిలో మరణ ప్రమాదం 4,000 అడుగులు వేసేవారితో పోలిస్తే దాదాపు సగం ఉన్నట్లు గుర్తించారు. అయితే ఇది పరిశీలనాత్మక అధ్యయనం మాత్రమే కావడంతో 8,000 అడుగులు వేస్తే మరణ ప్రమాదం సరిగ్గా సగానికి తగ్గుతుందని చెప్పలేం.
30-40 నిమిషాలు నడిస్తే సరిపోతుందా?
ఉదయం లేదా సాయంత్రం 40 నిమిషాలు నడిచి.. మిగిలిన రోజంతా కుర్చీలోనే కూర్చోవడం సరైన పద్ధతి కాదని డాక్టర్లు హెచ్చరిస్తున్నారు. ప్రతి 30-60 నిమిషాలకు ఒకసారి లేచి కాస్త కదలడం మంచిది. నీళ్లు తెచ్చుకోవడానికి నడవడం, ఫోన్ మాట్లాడేటప్పుడు నిలబడటం, వీలైతే మెట్లు ఎక్కడం, సహోద్యోగి దగ్గరకు నేరుగా వెళ్లి మాట్లాడటం వంటి చిన్న మార్పులు కూడా ఉపయోగపడతాయి.
10 వేల అడుగులే టార్గెట్ అనుకోవద్దు!
వ్యాయామం చేయడం, రోజంతా చురుగ్గా ఉండటం రెండూ ఒకటే కాదు. అమెరికా మార్గదర్శకాల ప్రకారం వారానికి 150-300 నిమిషాల మోస్తరు స్థాయి ఏరోబిక్ వ్యాయామం చేయడంతో పాటు కనీసం రెండు రోజులు కండరాల బలోపేత వ్యాయామాలు చేయాలి.
అందుకే రోజంతా కదలికను చిన్న చిన్న భాగాలుగా పెంచుకోవడం ముఖ్యమని నిపుణులు చెబుతున్నారు.
ఈ చిన్న మార్పులు చాలు
ఉదయం 10 నిమిషాలు నడవడం, పని మధ్యలో చిన్న బ్రేక్లు తీసుకోవడం, భోజనం తర్వాత నడవడం, సాయంత్రం మరోసారి వేగంగా నడవడం వంటి అలవాట్లు చేసుకోవచ్చు. వారంలో కొన్ని రోజులు స్ట్రెంగ్త్ ట్రైనింగ్ కూడా జోడిస్తే మరింత మంచిది. ఒక వర్కౌట్తో రోజంతా కూర్చోవడం వల్ల వచ్చే సమస్యలను పూర్తిగా భర్తీ చేయలేం. రోజంతా కొద్దికొద్దిగా కదులుతూ ఉండటమే ముఖ్యమని వైద్యులు సూచిస్తున్నారు.
