- ప్రపంచ అంతరిక్ష మార్కెట్‌లో భారత్‌ వాటా 10 శాతానికి చేరే అవకాశం
- ఐదేళ్ల నుంచి ఏడేళ్లలో ఐదు రెట్లు వృద్ధి అంచనా
- ప్రైవేటు అంతరిక్ష రంగం వేగంగా ఎదుగుతోందన్న అమెరికా నివేదిక
- శాటిలైట్‌, కనెక్టివిటీ రంగాల్లో భారీ అవకాశాలున్నట్లు వెల్లడి
- భారత్‌-అమెరికా అంతరిక్ష సహకారం మరింత బలోపేతం
అంతరిక్ష రంగంలో భారత్‌ దూసుకెళ్లే అవకాశాలు కనిపిస్తున్నాయి. ప్రస్తుతం ప్రపంచ అంతరిక్ష మార్కెట్‌లో భారత్‌ వాటా రెండు శాతం కంటే తక్కువగా ఉంది. వచ్చే ఐదేళ్ల నుంచి ఏడేళ్లలో ఇది ఏకంగా 10 శాతానికి చేరొచ్చని అమెరికా వాణిజ్య శాఖ అంచనా వేసింది. అంటే ప్రస్తుత వాటాతో పోలిస్తే దాదాపు ఐదు రెట్లు పెరగనుంది.
అమెరికా వాణిజ్య శాఖకు చెందిన ‘ఇంటర్నేషనల్‌ ట్రేడ్‌ అడ్మినిస్ట్రేషన్‌’ విడుదల చేసిన ఆగస్టు ‘ఏరోస్పేస్‌ అండ్‌ డిఫెన్స్‌ ఎక్స్‌పోర్టర్‌ అలర్ట్‌’లో ఈ వివరాలను వెల్లడించింది. భారత్‌ అంతరిక్ష రంగాన్ని ‘మార్కెట్‌ ఆఫ్‌ ద మంత్‌’గా గుర్తించింది. దేశంలో ప్రైవేటు అంతరిక్ష రంగం వేగంగా విస్తరిస్తోందని పేర్కొంది.
ప్రైవేటు రంగానికి మరిన్ని అవకాశాలు కల్పించేలా భారత్‌ తీసుకుంటున్న విధానపరమైన చర్యలు ఈ వృద్ధికి దోహదపడతాయని అమెరికా వాణిజ్య శాఖ తెలిపింది. ఉపగ్రహ వ్యవస్థలు, ఆధునిక అంతరిక్ష ప్రయోగాలు, కనెక్టివిటీ, తయారీ, ఇతర సాంకేతిక రంగాల్లో అమెరికా సంస్థలకు భారత్‌లో భారీ అవకాశాలు ఉన్నాయని పేర్కొంది.
అంతరిక్ష రంగంలో భారత్‌-అమెరికా సహకారం కూడా వేగంగా పెరుగుతోంది. 1963లో భారత్‌ తొలి రాకెట్‌ ప్రయోగించినప్పటి నుంచే ఈ బంధం కొనసాగుతోంది. ప్రస్తుతం శాస్త్రీయ మార్పిడి, సంయుక్త ప్రాజెక్టులు, సాంకేతిక సహకారం వరకు విస్తరించింది. నాసా, అమెరికా సంస్థలు ఇస్రోకు సాంకేతికత, పరికరాల పరంగా సహకరిస్తున్నాయి.
భారత్‌కు చెందిన అంతరిక్ష స్టార్టప్‌లు కూడా అమెరికాలో తమ కార్యకలాపాలు, తయారీ సామర్థ్యాన్ని విస్తరించేందుకు ప్రయత్నిస్తున్నాయని నివేదిక తెలిపింది. మార్కెట్‌ ప్రవేశం, ప్రభుత్వ కొనుగోళ్లు, విదేశీ ప్రత్యక్ష పెట్టుబడులు, ఎగుమతి నియంత్రణలపై ఉన్న అడ్డంకులను తొలగించేందుకు ఇరు దేశాలు కలిసి పనిచేస్తున్నాయి.
సెప్టెంబర్‌ 7 నుంచి 9 వరకు బెంగళూరులో జరగనున్న స్పేస్‌ ఎక్స్‌పోలో అమెరికా సంస్థలు పాల్గొనాలని ఆ దేశ వాణిజ్య శాఖ సూచించింది. ఈ కార్యక్రమం ద్వారా అంతరిక్ష రంగంలో భారత్‌-అమెరికా వాణిజ్య సంబంధాలు మరింత బలపడే అవకాశం ఉంది.
అమెరికా వాణిజ్య శాఖకు చెందిన ‘ఇంటర్నేషనల్‌ ట్రేడ్‌ అడ్మినిస్ట్రేషన్‌’ విడుదల చేసిన ఆగస్టు ‘ఏరోస్పేస్‌ అండ్‌ డిఫెన్స్‌ ఎక్స్‌పోర్టర్‌ అలర్ట్‌’లో ఈ వివరాలను వెల్లడించింది. భారత్‌ అంతరిక్ష రంగాన్ని ‘మార్కెట్‌ ఆఫ్‌ ద మంత్‌’గా గుర్తించింది. దేశంలో ప్రైవేటు అంతరిక్ష రంగం వేగంగా విస్తరిస్తోందని పేర్కొంది.
ప్రైవేటు రంగానికి మరిన్ని అవకాశాలు కల్పించేలా భారత్‌ తీసుకుంటున్న విధానపరమైన చర్యలు ఈ వృద్ధికి దోహదపడతాయని అమెరికా వాణిజ్య శాఖ తెలిపింది. ఉపగ్రహ వ్యవస్థలు, ఆధునిక అంతరిక్ష ప్రయోగాలు, కనెక్టివిటీ, తయారీ, ఇతర సాంకేతిక రంగాల్లో అమెరికా సంస్థలకు భారత్‌లో భారీ అవకాశాలు ఉన్నాయని పేర్కొంది.
అంతరిక్ష రంగంలో భారత్‌-అమెరికా సహకారం కూడా వేగంగా పెరుగుతోంది. 1963లో భారత్‌ తొలి రాకెట్‌ ప్రయోగించినప్పటి నుంచే ఈ బంధం కొనసాగుతోంది. ప్రస్తుతం శాస్త్రీయ మార్పిడి, సంయుక్త ప్రాజెక్టులు, సాంకేతిక సహకారం వరకు విస్తరించింది. నాసా, అమెరికా సంస్థలు ఇస్రోకు సాంకేతికత, పరికరాల పరంగా సహకరిస్తున్నాయి.
భారత్‌కు చెందిన అంతరిక్ష స్టార్టప్‌లు కూడా అమెరికాలో తమ కార్యకలాపాలు, తయారీ సామర్థ్యాన్ని విస్తరించేందుకు ప్రయత్నిస్తున్నాయని నివేదిక తెలిపింది. మార్కెట్‌ ప్రవేశం, ప్రభుత్వ కొనుగోళ్లు, విదేశీ ప్రత్యక్ష పెట్టుబడులు, ఎగుమతి నియంత్రణలపై ఉన్న అడ్డంకులను తొలగించేందుకు ఇరు దేశాలు కలిసి పనిచేస్తున్నాయి.
సెప్టెంబర్‌ 7 నుంచి 9 వరకు బెంగళూరులో జరగనున్న స్పేస్‌ ఎక్స్‌పోలో అమెరికా సంస్థలు పాల్గొనాలని ఆ దేశ వాణిజ్య శాఖ సూచించింది. ఈ కార్యక్రమం ద్వారా అంతరిక్ష రంగంలో భారత్‌-అమెరికా వాణిజ్య సంబంధాలు మరింత బలపడే అవకాశం ఉంది.
