మొటిమలు తగ్గాలా? ప్లేట్లో ఈ 6 మార్పులు చేస్తే తేడా కనిపించొచ్చు!
- మొటిమలపై ఆహారపు అలవాట్ల ప్రభావం
- మైదా పదార్థాలకు బదులు తక్కువ జీఐ ధాన్యాలు
- పాలకు ప్రత్యామ్నాయంగా ప్లాంట్ మిల్క్
- ప్రాసెస్డ్ స్నాక్స్కు బదులు వేయించిన శనగలు
- చక్కెర పానీయాల స్థానంలో స్పియర్మింట్ టీ
- ఐస్క్రీమ్కు బదులు చియా గింజల సూచన
మొటిమలు తగ్గాలంటే కేవలం క్రీములు, ఫేస్వాష్లే కాదు.. ఆహారపు అలవాట్లూ కీలక పాత్ర పోషిస్తాయి. శరీరంలో హార్మోన్ల మార్పులు, ఇన్ఫ్లమేషన్, రక్తంలో చక్కెర స్థాయుల హెచ్చుతగ్గులు, గట్ హెల్త్ కూడా చర్మంపై ప్రభావం చూపుతాయి. ఒక్క ఆహార పదార్థంతో మొటిమలు పూర్తిగా పోవు. అయితే రోజువారీ ఆహారంలో కొన్ని చిన్న మార్పులు చేస్తే చర్మ ఆరోగ్యం మెరుగుపడే అవకాశం ఉందని పోషకాహార నిపుణులు సూచిస్తున్నారు.
మైదాకు బదులు
మైదాతో తయారైన పదార్థాలు రక్తంలో చక్కెర స్థాయులను ఒక్కసారిగా పెంచుతాయి. దీనివల్ల ఇన్సులిన్ లెవెల్స్ పెరిగి చర్మంలో నూనె ఉత్పత్తి అధికమవుతుంది. ఫలితంగా మొటిమలు పెరిగే అవకాశం ఉంటుంది. అందుకే తక్కువ గ్లైసెమిక్ ఇండెక్స్ ఉన్న ధాన్యాలను ఎంచుకోవాలని సూచిస్తున్నారు.
ఆవు పాలకు బదులు
ఆవు పాలలో ఉండే ఐజీఎఫ్-1 అనే గ్రోత్ ఫ్యాక్టర్ కొందరిలో ఇన్ఫ్లమేషన్ను పెంచి మొటిమలకు కారణమవుతుంది. పాలు తాగిన తర్వాత మొటిమలు ఎక్కువవుతున్నట్లు అనిపిస్తే చక్కెర కలపని ప్లాంట్ మిల్క్ను ప్రత్యామ్నాయంగా తీసుకోవచ్చు.
ప్రాసెస్డ్ స్నాక్స్కు దూరంగా
డీప్ ఫ్రై చేసిన, ప్రాసెస్డ్ స్నాక్స్ శరీరంలో ఇన్ఫ్లమేషన్ను పెంచుతాయి. వాటికి బదులు వేయించిన శనగలు తీసుకోవడం మంచిది. వీటిలో ప్రొటీన్, పీచు, జింక్ పుష్కలంగా ఉంటాయి. జింక్ చర్మ కణాల మరమ్మతుకు ఉపయోగపడుతుంది.
వంట నూనెల ఎంపికలో జాగ్రత్త
ఒమేగా-6 ఫ్యాటీ యాసిడ్లు ఎక్కువగా ఉండే రిఫైన్డ్ నూనెలను అధికంగా వాడితే ఇన్ఫ్లమేషన్ పెరిగే అవకాశం ఉంది. ఆరోగ్యకరమైన వంట నూనెలను పరిమితంగా వాడుతూ సమతుల ఆహారం తీసుకుంటే చర్మానికి మేలు జరుగుతుందని నిపుణులు చెబుతున్నారు.
చక్కెర పానీయాలకు బదులు
సాఫ్ట్డ్రింక్స్, చక్కెర ఎక్కువగా ఉండే పానీయాలు గట్ హెల్త్పై ప్రతికూల ప్రభావం చూపుతాయి. వాటికి బదులు స్పియర్మింట్ టీ తీసుకుంటే హార్మోన్ల సమతుల్యతకు తోడ్పడొచ్చని నిపుణులు చెబుతున్నారు. ముఖ్యంగా మొటిమలకు కారణమయ్యే ఆండ్రోజెన్ హార్మోన్ల ప్రభావాన్ని తగ్గించడంలో ఇది ఉపయోగపడొచ్చని పేర్కొన్నారు.
ఐస్క్రీమ్కు బదులు
ఐస్క్రీమ్లో చక్కెర, పాల పదార్థాలు ఎక్కువగా ఉంటాయి. ఇవి కొందరిలో మొటిమలను పెంచే అవకాశం ఉంది. చియా గింజల్లో ఒమేగా-3 ఫ్యాటీ యాసిడ్లు, పీచు, ఇతర పోషకాలు సమృద్ధిగా ఉంటాయి. ఇవి రక్తంలో చక్కెరను ఒక్కసారిగా పెంచకుండా శరీరానికి పోషణ అందిస్తాయి.
మొటిమలు తగ్గాలంటే ఒక్క ఆహార పదార్థం లేదా ఖరీదైన స్కిన్కేర్ ఉత్పత్తులపై ఆధారపడకూడదు. సమతుల ఆహారం, ఆరోగ్యకరమైన జీవనశైలి, క్రమబద్ధమైన అలవాట్లు పాటిస్తే కాలక్రమంలో చర్మ ఆరోగ్యంలో మెరుగుదల కనిపించే అవకాశం ఉందని నిపుణులు సూచిస్తున్నారు.
గమనిక: ఈ సూచనలు సాధారణ ఆరోగ్య సమాచారం మాత్రమే. తీవ్రమైన లేదా దీర్ఘకాలిక మొటిమల సమస్య ఉంటే చర్మవ్యాధి నిపుణుడు లేదా అర్హత కలిగిన వైద్యుణ్ని సంప్రదించడం మంచిది.
మైదాకు బదులు
మైదాతో తయారైన పదార్థాలు రక్తంలో చక్కెర స్థాయులను ఒక్కసారిగా పెంచుతాయి. దీనివల్ల ఇన్సులిన్ లెవెల్స్ పెరిగి చర్మంలో నూనె ఉత్పత్తి అధికమవుతుంది. ఫలితంగా మొటిమలు పెరిగే అవకాశం ఉంటుంది. అందుకే తక్కువ గ్లైసెమిక్ ఇండెక్స్ ఉన్న ధాన్యాలను ఎంచుకోవాలని సూచిస్తున్నారు.
ఆవు పాలకు బదులు
ఆవు పాలలో ఉండే ఐజీఎఫ్-1 అనే గ్రోత్ ఫ్యాక్టర్ కొందరిలో ఇన్ఫ్లమేషన్ను పెంచి మొటిమలకు కారణమవుతుంది. పాలు తాగిన తర్వాత మొటిమలు ఎక్కువవుతున్నట్లు అనిపిస్తే చక్కెర కలపని ప్లాంట్ మిల్క్ను ప్రత్యామ్నాయంగా తీసుకోవచ్చు.
ప్రాసెస్డ్ స్నాక్స్కు దూరంగా
డీప్ ఫ్రై చేసిన, ప్రాసెస్డ్ స్నాక్స్ శరీరంలో ఇన్ఫ్లమేషన్ను పెంచుతాయి. వాటికి బదులు వేయించిన శనగలు తీసుకోవడం మంచిది. వీటిలో ప్రొటీన్, పీచు, జింక్ పుష్కలంగా ఉంటాయి. జింక్ చర్మ కణాల మరమ్మతుకు ఉపయోగపడుతుంది.
వంట నూనెల ఎంపికలో జాగ్రత్త
ఒమేగా-6 ఫ్యాటీ యాసిడ్లు ఎక్కువగా ఉండే రిఫైన్డ్ నూనెలను అధికంగా వాడితే ఇన్ఫ్లమేషన్ పెరిగే అవకాశం ఉంది. ఆరోగ్యకరమైన వంట నూనెలను పరిమితంగా వాడుతూ సమతుల ఆహారం తీసుకుంటే చర్మానికి మేలు జరుగుతుందని నిపుణులు చెబుతున్నారు.
చక్కెర పానీయాలకు బదులు
సాఫ్ట్డ్రింక్స్, చక్కెర ఎక్కువగా ఉండే పానీయాలు గట్ హెల్త్పై ప్రతికూల ప్రభావం చూపుతాయి. వాటికి బదులు స్పియర్మింట్ టీ తీసుకుంటే హార్మోన్ల సమతుల్యతకు తోడ్పడొచ్చని నిపుణులు చెబుతున్నారు. ముఖ్యంగా మొటిమలకు కారణమయ్యే ఆండ్రోజెన్ హార్మోన్ల ప్రభావాన్ని తగ్గించడంలో ఇది ఉపయోగపడొచ్చని పేర్కొన్నారు.
ఐస్క్రీమ్కు బదులు
ఐస్క్రీమ్లో చక్కెర, పాల పదార్థాలు ఎక్కువగా ఉంటాయి. ఇవి కొందరిలో మొటిమలను పెంచే అవకాశం ఉంది. చియా గింజల్లో ఒమేగా-3 ఫ్యాటీ యాసిడ్లు, పీచు, ఇతర పోషకాలు సమృద్ధిగా ఉంటాయి. ఇవి రక్తంలో చక్కెరను ఒక్కసారిగా పెంచకుండా శరీరానికి పోషణ అందిస్తాయి.
మొటిమలు తగ్గాలంటే ఒక్క ఆహార పదార్థం లేదా ఖరీదైన స్కిన్కేర్ ఉత్పత్తులపై ఆధారపడకూడదు. సమతుల ఆహారం, ఆరోగ్యకరమైన జీవనశైలి, క్రమబద్ధమైన అలవాట్లు పాటిస్తే కాలక్రమంలో చర్మ ఆరోగ్యంలో మెరుగుదల కనిపించే అవకాశం ఉందని నిపుణులు సూచిస్తున్నారు.
గమనిక: ఈ సూచనలు సాధారణ ఆరోగ్య సమాచారం మాత్రమే. తీవ్రమైన లేదా దీర్ఘకాలిక మొటిమల సమస్య ఉంటే చర్మవ్యాధి నిపుణుడు లేదా అర్హత కలిగిన వైద్యుణ్ని సంప్రదించడం మంచిది.
