మంత్రి గారూ, దేవుడనుకుంటున్నారా?: కాక్రోచ్ నిరసనలపై సింగర్ అరిజిత్ సింగ్

నీట్ పరీక్షల్లో అక్రమాలపై కొనసాగుతున్న ఆందోళనల నేపథ్యంలో ప్రముఖ గాయకుడు అరిజిత్ సింగ్ ప్రభుత్వ తీరుపై తీవ్ర ఆగ్రహం వ్యక్తం చేశారు. "హలో మంత్రి గారూ, మీరేమైనా దేవుడనుకుంటున్నారా?" అంటూ ఆయన సూటిగా ప్రశ్నించారు. కాక్రోచ్ జనతా పార్టీ (సీజేపీ) ఆధ్వర్యంలో జరుగుతున్న నిరసనలపై స్పందిస్తూ ఆయన ఈ వ్యాఖ్యలు చేశారు.

నీట్ వ్యవహారంలో జవాబుదారీతనం వహించాలని, కేంద్ర విద్యాశాఖ మంత్రి ధర్మేంద్ర ప్రధాన్ తక్షణమే రాజీనామా చేయాలని డిమాండ్ చేస్తూ సీజేపీ నిరాహార దీక్షలు చేపట్టింది. ఢిల్లీలోని జంతర్ మంతర్ వద్ద ఆందోళన చేస్తున్న విద్యార్థులపై పోలీసుల చర్యల పట్ల అరిజిత్ సింగ్ తీవ్రంగా స్పందించారు. యువ నిరసనకారుల పట్ల ప్రభుత్వం సానుభూతితో వ్యవహరించాల్సిన అవసరం ఉందని ఆయన నొక్కిచెప్పారు.

"అయ్యో, ఇక్కడ మీరు విద్యార్థులను కొడుతున్నారు. నాయకులారా, మంత్రులారా, వినండి!! ఢిల్లీ పోలీసులారా, మీకు ఏమీ అనిపించడం లేదా?? అసలు ఇక్కడ ఏం జరుగుతోంది? మిమ్మల్ని మీరు దేవుళ్లుగా భావిస్తున్నారా? ప్రతి విషయాన్ని గుర్తు పెట్టుకుంటాం! హర్ హర్ మహాదేవ్! గుర్తుంచుకోండి, మార్పు ఒక్కటే శాశ్వతం!" అని ఆయన పేర్కొన్నారు.