వైసీపీ చేతిలో కాపులు మోసపోవద్దు: సోము వీర్రాజు

వైసీపీ కాపు సామాజిక వర్గాన్ని కేవలం రాజకీయ లబ్ధి కోసమే వాడుకుంటోందని, వారికి సరైన గౌరవం ఇవ్వడం లేదని బీజేపీ ఎమ్మెల్సీ సోము వీర్రాజు తీవ్ర ఆరోపణలు చేశారు. ఈ విషయంలో కాపు సోదరులు ఆత్మపరిశీలన చేసుకోవాలని ఆయన పిలుపునిచ్చారు.

బుధవారం రాజమండ్రిలో ఆయన మీడియాతో మాట్లాడారు. వైసీపీలో కాపు నేతలకు తీవ్ర అవమానం జరుగుతోందని, మంత్రిగా ఉన్న బొత్స సత్యనారాయణను సైతం పక్కనపెట్టారని విమర్శించారు. విజయసాయి రెడ్డి మద్దతుతో బొత్స మేనల్లుడు శ్రీనివాస్‌కు వ్యతిరేకంగా చర్యలు తీసుకున్న విషయాన్ని గుర్తు చేశారు.

కాపు రిజర్వేషన్ల విషయంలో వైసీపీ అధినేత జగన్మోహన్ రెడ్డి వైఖరిని సోము వీర్రాజు తప్పుబట్టారు. సభలు, సమావేశాల పేరుతో కాపులను రెచ్చగొట్టే ప్రయత్నాలు మానుకోవాలని హెచ్చరించారు. తెలుగుదేశం పార్టీ (టీడీపీ) మాత్రమే కాపులకు తగిన గుర్తింపు, అవకాశాలు కల్పిస్తోందని ఆయన పేర్కొన్నారు. .