చైనాలో కలకలం.. 108 అంతస్తుల భవనాన్ని ఢీకొట్టిన చిన్న విమానం
- చైనా రాజధాని బీజింగ్లో భారీ భవనాన్ని ఢీకొట్టిన విమానం
- నగరంలోని అత్యంత ఎత్తైన చైనా జున్ టవర్పై ఈ ఘటన
- ఘటనతో భవనం పై అంతస్తుల నుంచి కింద పడ్డ శిథిలాలు
స్థానిక కాలమానం ప్రకారం శుక్రవారం సాయంత్రం ఈ ప్రమాదం చోటుచేసుకుంది. దేశీయంగా తయారైన ఒక చిన్న విమానం ఈ మేరకు ప్రమాదానికి గురైనట్లు ప్రాథమికంగా గుర్తించారు. ప్రమాదం జరిగిన వెంటనే పోలీసులు, అగ్నిమాపక సిబ్బంది, సహాయక బృందాలు ఘటనా స్థలానికి చేరుకున్నాయి. అయితే, ఈ ఘటనలో సంభవించిన ప్రాణనష్టానికి సంబంధించిన పూర్తి వివరాలు ఇంకా తెలియరాలేదు.
ప్రమాదం నేపథ్యంలో, ముందు జాగ్రత్త చర్యగా భవనంలోని పలు అంతస్తుల్లో ఉన్న ప్రజలను సురక్షిత ప్రాంతాలకు తరలించారు. భవనం సమీపంలో విమాన శకలాలు పడి ఉన్న దృశ్యాలు సామాజిక మాధ్యమాల్లో వైరల్గా మారాయి. అత్యంత ఎత్తైన భవనాన్ని విమానం ఢీకొట్టిన ఈ ఘటనతో పరిసర ప్రాంతాల్లోని ప్రజలు తీవ్ర భయాందోళనకు గురయ్యారు.
